ఏపీలో అక్టోబర్ 1 పింఛన్ల టైమింగ్స్ మార్పు

AP NTR Bharosa pensions:ఆంధ్రప్రదేశ్‌లో ఎన్టీఆర్ భరోసా పింఛన్ల పంపిణీ విషయంలో రాష్ట్ర ప్రభుత్వం ఒక కీలక నిర్ణయం తీసుకుంది. సాధారణంగా ప్రతి నెల మొదటి రోజు ఉదయాన్నే లబ్ధిదారులకు పింఛన్లు అందజేస్తుండగా, ఈసారి అక్టోబర్ 1వ తేదీన ఉదయం కాకుండా మధ్యాహ్నం నుంచి పింఛన్ల పంపిణీ చేపట్టనున్నారు. బ్యాంకు ఉద్యోగుల సమ్మె మరియు వరుస సెలవుల కారణంగా ఈ నిర్ణయం తీసుకోవాల్సి వచ్చిందని మంత్రి కొండపల్లి శ్రీనివాస్ స్పష్టం చేశారు. లబ్ధిదారులకు ఎలాంటి ఇబ్బందులు తలెత్తకుండా ప్రభుత్వం ముందస్తుగానే అన్ని ఏర్పాట్లు పూర్తి చేసింది. సచివాలయ ఉద్యోగులు ఉదయం పూట బ్యాంకులకు వెళ్లి నగదు విత్ డ్రా చేసుకుని, ఆ వెంటనే మధ్యాహ్నం నుంచి నేరుగా లబ్ధిదారుల ఇళ్లకు వెళ్లి పింఛన్ సొమ్మును అందజేస్తారు. ఈ నెలకు సంబంధించి మొత్తం 61.80 లక్షల మంది లబ్ధిదారుల కోసం ప్రభుత్వం రూ. 2,692 కోట్లను ఇప్పటికే విడుదల చేసింది.

Read also: Vangaveeti Radha : పవన్ కళ్యాణ్‌‌‌తో వంగవీటీ రాధా భేటీ..కారణం ఏంటి ?

మధ్యాహ్నం పంపిణీ

ఈ నెల 26న బ్యాంట్లకు సెలవు ఉండటం అలాగే 28, 29, 30 తేదీల్లో బ్యాంకు ఉద్యోగులు సమ్మెలో పాల్గొంటున్నందున నగదు సర్దుబాటులో చిన్నపాటి మార్పులు జరిగాయి. అక్టోబర్ 1వ తేదీ ఉదయం పూట స్వర్ణ గ్రామ మరియు స్వర్ణ వార్డు సచివాలయాల ఉద్యోగులు నేరుగా బ్యాంకులకు వెళ్లి పింఛన్ల కోసం నగదును డ్రా చేస్తారు. ఆ తర్వాత మధ్యాహ్నం సమయం నుండి ఎక్కడా ఎలాంటి ఆలస్యం జరగకుండా ఇంటింటికి వెళ్లి పింఛన్ డబ్బులను పంపిణీ చేసేలా అధికారులు ప్రత్యేక చర్యలు చేపట్టారు. రాష్ట్రవ్యాప్తంగా ఉన్న పింఛన్దారులందరూ ఈ సమయ మార్పును గమనించి సహకరించాలని అధికారులు కోరుతున్నారు. ఏ ఒక్క లబ్ధిదారునికి కూడా పింఛన్ విషయంలో ఇబ్బంది కలగకూడదనే ఉద్దేశంతోనే ప్రభుత్వం ఈ ప్రత్యామ్నాయ మార్గాన్ని ఎంచుకోవడం జరిగింది. క్షేత్రస్థాయిలో ఉన్న సచివాలయ సిబ్బందికి దీనిపై స్పష్టమైన ఆదేశాలు కూడా జారీ చేయడం జరిగింది.

AP NTR Bharosa pensions:ఎన్ఎస్ఏపీ లబ్ధిదారులకు కేంద్రం కొత్త స్పర్శ్ విధానం

కేంద్ర ప్రభుత్వం ప్రవేశపెట్టిన నేషనల్ సోషల్ అసిస్టెన్స్ ప్రోగ్రామ్ ద్వారా అందించే పింఛను నిధులను నేరుగా లబ్ధిదారుల బ్యాంకు ఖాతాల్లో జమ చేసే ప్రక్రియను ప్రారంభించారు. ఇందులో భాగంగా తొలి విడతగా విజయనగరం జిల్లా గజపతినగరం మండలంలో ఈ విధానాన్ని పైలట్ ప్రాజెక్ట్‌గా అమలు చేయాలని నిర్ణయించారు. ఈ మండలంలో ఉన్న సుమారు 1,900 మంది ఎన్ఎస్ఏపీ లబ్ధిదారుల ఖాతాల్లో కేంద్రం అందించే వాటా నిధులను జమ చేయనున్నారు. అయితే చాలా మంది ఖాతాలు యాక్టివ్‌గా లేకపోవడం వల్ల ఇబ్బందులు రాకుండా ఈ చిన్నపాటి ప్రయోగాన్ని ఇక్కడ చేపడుతున్నారు. మిగిలిన మొత్తం పింఛను నగదును ఎప్పటిలాగే సచివాలయ ఉద్యోగులు నేరుగా లబ్ధిదారుల ఇళ్ల వద్దే అందజేస్తారు. భవిష్యత్తులో ఈ విధానాన్ని మరింత మెరుగుపరిచి అర్హులైన ప్రతి ఒక్కరికి పారదర్శకంగా పింఛన్లు అందేలా చూడటమే ప్రభుత్వ ప్రధాన లక్ష్యంగా ఉంది.

Read Also hindi news: hindi.vaartha.com

Epaper: epaper.vaartha.com

Read Also: