Scooter Hidden Feature: నగరాల్లో రోజువారీ ప్రయాణాలకు స్కూటీలు అత్యంత సౌకర్యవంతమైన రవాణా సాధనాలుగా మారాయి. అయితే ప్రతిరోజూ స్కూటీ నడిపే వారిలో చాలామందికి తమ వాహనంలో ఉండే కొన్ని చిన్న చిన్న ఫీచర్ల ఉపయోగం పూర్తిగా తెలియకపోవచ్చు. అలాంటి ఒక ముఖ్యమైన ఫీచరే. ఎడమ వైపు (వెనుక బ్రేక్) బ్రేక్ లివర్ వెనుక భాగంలో ఉండే చిన్న మెటల్ లివర్. దీనిని “పార్కింగ్ బ్రేక్ లాక్” (Parking Brake Lock) లేదా “హ్యాండ్ బ్రేక్” అని పిలుస్తారు. కార్లలో ఉండే హ్యాండ్ బ్రేక్ ఎలాంటి పనిచేస్తుందో, స్కూటీలో ఉండే ఈ చిన్న లివర్ కూడా సరిగ్గా అలాంటి పనే చేస్తుంది.
దీని ఉపయోగం ఏమిటి?
ఎత్తుపల్లాలు (ఒంపు) ఉన్న రోడ్లపై పార్కింగ్:
మీరు స్కూటీని ఏదైనా ఎత్తు లేదా వాలుగా ఉన్న ప్రాంతంలో పార్క్ చేసినప్పుడు అది ముందుకు లేదా వెనుకకు దొర్లి కిందపడిపోయే ప్రమాదం ఉంది. అటువంటి సమయంలో వెనుక బ్రేక్‌ను గట్టిగా పట్టుకుని, ఈ చిన్న లివర్‌ను వెనుకకు నొక్కి లాక్ చేస్తే, బ్రేక్ పట్టుకునే ఉంటుంది. దీనివల్ల స్కూటీ కదలకుండా ఒకే చోట స్థిరంగా ఉంటుంది.
ట్రాఫిక్ సిగ్నల్స్ వద్ద ఉపశమనం:
ట్రాఫిక్ సిగ్నల్స్ వద్ద లేదా కాసేపు ఆగినప్పుడు, బ్రేక్ హ్యాండిల్‌ను నిరంతరం చేత్తో పట్టుకోవాల్సిన అవసరం లేకుండా ఈ లాక్‌ను ఉపయోగిస్తే చేతికి విశ్రాంతి లభిస్తుంది.
సైడ్ స్టాండ్ వేసినప్పుడు సురక్షితం:
సైడ్ స్టాండ్ వేసి వాహనాన్ని వాలుగా ఉన్న ప్రదేశంలో ఉంచినప్పుడు, స్కూటీ ముందుకు జారిపడకుండా ఈ పార్కింగ్ లాక్ ఎంతగానో ఉపయోగపడుతుంది.
దీనిని ఎలా ఉపయోగించాలి?
- లాక్ చేయడానికి: ఎడమ వైపు ఉన్న బ్రేక్ లివర్‌ను గట్టిగా నొక్కి పట్టుకుని, ఈ చిన్న లివర్‌ను పైకి/వెనుకకు నొక్కాలి. అప్పుడు బ్రేక్ లాక్ అవుతుంది.
- అన్‌లాక్ చేయడానికి: సాధారణంగా బ్రేక్ లివర్‌ను మళ్లీ ఒక్కసారి గట్టిగా నొక్కి వదిలేస్తే, ఆ చిన్న లివర్ ఆటోమేటిక్‌గా తన పాత స్థానానికి వచ్చేస్తుంది.
- ఈ సారి మీ స్కూటీని ఎక్కడైనా ఒంపుగా ఉన్న ప్రదేశంలో పార్క్ చేసేటప్పుడు ఈ చిన్న “పార్కింగ్ బ్రేక్” ఫీచర్‌ను ఉపయోగించడం మర్చిపోకండి.
ఇది కూడా చదవండి: New Rules Changes: అక్టోబర్ 1 నుంచి దేశవ్యాప్తంగా మారే 10 కీలక మార్పులు ఇవే..!
ఇది కూడా చదవండి: LPG Gas Price Hike: పండగకు ముందు షాకిచ్చిన గ్యాస్‌ సిలిండర్‌ ధర.. ఎంత పెరిగిందో తెలుసా?
