గబ్బిలాలు చాలా వరకు ఇటిలోనికి ప్రవేశించవు. కానీ ఇవి ఇంటిలోకి వచ్చాయి అంటే చాలు ఏదో ఒక అశుభం జరుగుతుంది అంటారు కొందరు. కానీ కొంత మంది ఇది మార్పుకు సంకేతం అంటే, మరికొంత మంది జానపద కథల ప్రకారం అశుభం అని చెబుతుంటారు. మరి అసలు ఇంటిలోకి గబ్బిలం ప్రవేశించడం దేనికి సంకేతమూ ఇప్పుడు మనం చూసేద్దాం.
ఎవరి ఇంటిలోకి అయితే గబ్బిలం ప్రవేశిస్తుందో వారు చాలా కంగారు పడిపోతుంటారు. ఏదో చెడు జరుగుతుందని భయపడుతుంటారు. అయితే గబ్బిలం ఇంటిలోకి వచ్చి త్వరగా బయటకు వెళ్లిపోతే, ఇంట్లోని పాత సమస్యలు పరిష్కారం అవ్వడం లేదా, కొత్త మార్పు ప్రారంభం గురించి అది సూచిస్తుందని పండితులు చెబుతున్నారు. దీని గురించి భయపడటం, ఆందోళన చెందాల్సిన అవసరం లేదంట.
అదే విధంగా, ఇది ఆర్థిక సమస్యలను కూడా సూచిస్తుందని చెబుతున్నారు పండితులు. ఇంటిలో నెగటివ్ ఎనర్జీ ఉండటం వలన కూడా ఇంట్లోకి గబ్బిలాలు ప్రవేశిస్తాయంట. ఇంట్లో చీకటి ఎక్కువగా ఉండటం, వలన కూడా గబ్బిలాలు వస్తాయి. అందువలన దీనికి గురించి అశుభం జరుగుతుందని ఎక్కువగా భయపడ కూడదంట.
అంతే కాకుండా ఎవరి ఇంటిలోకి గబ్బిలం ప్రవేశించి, చుట్టూ తిరిగి వెళ్లిపోతుందో, వారికి ఆర్థిక సమస్యలు పెరుగుతాయంట. అప్పుల బాధలు, ధన నష్టం కలగడం వంటి ఇబ్బందులు ఎదురు అవుతాయి. ఇటువంటి సమయంలో తగు జాగ్రత్తలు తీసుకోవాలని వారు సూచిస్తున్నారని పండితులు తెలుపుతున్నారు.
అంతే కాకుండా ఇది కొన్ని సార్లు శుభశకునంగా కూడా అవుతుందని చెబుతున్నారు పండితులు. కొన్ని సార్లు గబ్బిలం ఇంటిలోకి వచ్చి వెంటనే వెళ్లిపోతే, ఇది మీ ఇంటిలో ఉన్న చెడును తీసుకెళ్తుందని దీనికి భయపడాల్సిన పనిలేదని చైనా వాస్తు ఫెంగ్ షుయ్ తెలియజేయడం జరిగింది. నోట్ : ఈ వార్తలలో ఇవ్వబడిన సమాచారం మత విశ్వాసాలపై ఆధారపడి ఉంది. పాఠకుల ఆసక్తి మేరకు.. పలువురు పండితుల సూచనలు, వారి తెలిపిన అంశాల ఆధారంగా అందించినవి మాత్రమే.. వీటిలో ఎలాంటి శాస్త్రీయ ఆధారాలు లేవని పాఠకులు గమనించాలి. టీవీ9 తెలుగు దీనిని ధృవీకరించలేదు
