Breakfast Quesadillas Recipe: ఉదయాన్నే హడావుడిగా ఎక్కువగా ఉంటుంది. పిల్లల్ని స్కూల్‌కు పంపేటప్పుడు ప్రతి ఇంట్లోని మహిళ ఎంతో హడావుడిగా పని చేయాల్సి వస్తుంది. వాళ్లను తయారు చేయడం ఒకెత్తయితే.. వాళ్లకు టేస్టీ, హెల్తీగా వండిపెట్టడం మరొకెత్తు. ఇలాంటప్పుడు తక్కువ టైమ్‌లో తయారయ్యే బ్రేక్‌ఫాస్ట్‌ల గురించి ఆలోచిస్తాం. ఇలా కేవలం 20 నిమిషాల్లో తయారయ్యే ఈజీ బ్రేక్‌ఫాస్ట్‌లలో కేసడియా (Breakfast Quesadillas) ఒకటి. రెండు వైపులా గోల్డెన్ కలర్‌లో క్రిస్పీగా వేగించిన టోర్టిల్లాల మధ్యలో మెత్తటి గుడ్డు పొరటు (Scrambled eggs), క్రంచీగా ఉండే పచ్చి క్యాప్సికమ్, పొగబెట్టిన బేకన్, కరిగే చెడ్డార్ చీజ్ వేసి చేసే ఈ వంటకం కడుపు నింపడమే కాదు, నోటికి ఎంతో రుచిగా ఉంటుంది. దీన్ని ఎలా తయారు చేసుకోవాలో ఇప్పుడు చూద్దాం..
కావలసిన పదార్థాలు:
గుడ్లు (Eggs)
పాలు (Milk)
పచ్చి క్యాప్సికమ్ ముక్కలు (Green pepper)
అన్‌సాల్టెడ్ బటర్ (Unsalted butter)
బేకన్ (Bacon)
తురిమిన చెడ్డార్ చీజ్ (Shredded cheddar cheese)
టోర్టిల్లాలు (Tortillas)
తయారీ విధానం..
ముందుగా ఒక గిన్నెలో గుడ్లు, పాలు వేసి బాగా కలపండి. అందులో సన్నగా తరిగిన క్యాప్సికమ్ ముక్కలు వేసి మళ్ళీ ఒకసారి కలపాలి. వేడెక్కిన పాన్‌పై కొద్దిగా వెన్న (Butter) వేసి, సిద్ధం చేసుకున్న గుడ్డు మిశ్రమాన్ని వేసి సాఫ్ట్‌గా అయ్యే వరకు ఉడికించాలి (Scrambled eggs). ఇప్పుడు అదే పాన్‌పై ఒక టోర్టిల్లాను ఉంచి, దానిపై తురిమిన చీజ్, ఉడికించిన గుడ్డు మిశ్రమం, క్రిస్పీ బేకన్, మరికొంత చీజ్ వరుసగా వేయాలి. దానిపై రెండో టోర్టిల్లాను ఉంచి, చీజ్, గుడ్డు మిశ్రమం బాగా సెట్ అయ్యేలా తేలికగా నొక్కాలి. రెండు వైపులా 2-3 నిమిషాల పాటు లేదా చీజ్ పూర్తిగా కరిగే వరకు వేయించాలి.
