Porsche Cayenne Electric: ప్రముఖ లగ్జరీ కార్ల తయారీ సంస్థ Porsche కొత్త ఎలక్ట్రిక్ SUV Cayenne Electricను భారత మార్కెట్లో అధికారికంగా పరిచయం చేసింది. 2025 చివర్లో ఈ ఎలక్ట్రిక్ SUV ధరలను వెల్లడించిన కంపెనీ.. తాజాగా భారత్‌లో తొలిసారి అధికారికంగా ప్రదర్శించింది. Porsche Cayenne Electricను కంపెనీ ఫ్లాగ్‌షిప్ ఎలక్ట్రిక్ SUVగా అందిస్తోంది. భారత్‌లో ఇది Cayenne Electric, Cayenne Turbo Electric అనే రెండు వేరియంట్లలో లభిస్తుంది. వీటి ఎక్స్-షోరూమ్ ధరలు వరుసగా రూ.1.77 కోట్లు, రూ.2.28 కోట్లు.
ఈ-పర్ఫార్మెన్స్ పవర్‌ట్రెయిన్
కొత్త Cayenne Electricలో Porscheకు చెందిన E-Performance పవర్‌ట్రెయిన్ ఉంది. ముందు, వెనుక రెండు చక్రాల వద్ద ఎలక్ట్రిక్ మోటార్లు ఉండగా.. వీటికి 113kWh బ్యాటరీ శక్తిని అందిస్తుంది. స్టాండర్డ్ Cayenne Electric గరిష్ఠంగా 408hp పవర్ ఉత్పత్తి చేస్తుంది. Launch Control ఉపయోగించినప్పుడు ఓవర్‌బూస్ట్ మోడ్‌లో పవర్ 442hp వరకు పెరుగుతుంది. ఈ SUV కేవలం 4.8 సెకన్లలో 0-100 కి.మీ వేగాన్ని అందుకుంటుంది. గరిష్ఠ వేగం 230 కి.మీ. గా ఉంది. Cayenne Turbo Electric ఈ లైనప్‌లో అత్యంత శక్తివంతమైన వేరియంట్.
ఇది 1,156hp పవర్, 1,150Nm టార్క్ ఉత్పత్తి చేస్తుంది. ఈ వేరియంట్ కేవలం 2.5 సెకన్లలో 0-100 కి.మీ వేగాన్ని అందుకుంటుంది. దీని క్లెయిమ్డ్ డ్రైవింగ్ రేంజ్ 623 కి.మీగా ఉంది. రెండు మోడళ్లలోనూ Porsche Active Suspension Management (PASM)తో కూడిన Adaptive Air Suspension స్టాండర్డ్‌గా లభిస్తుంది. మెరుగైన హ్యాండ్లింగ్, తక్కువ టర్నింగ్ సర్కిల్ కోసం Rear-Axle Steeringను ఆప్షన్‌గా ఎంచుకోవచ్చు.
బ్యాటరీ, రేంజ్ ఎలా ఉన్నాయి?
స్టాండర్డ్ Cayenne Electricలో 113kWh గ్రాస్ బ్యాటరీ ఉంటుంది. ఒకసారి పూర్తిగా ఛార్జ్ చేస్తే WLTP సర్టిఫైడ్‌గా 642 కి.మీ వరకు ప్రయాణించవచ్చని కంపెనీ పేర్కొంది. ఈ SUV 390kW వరకు DC ఫాస్ట్ ఛార్జింగ్ కు సపోర్ట్ చేస్తుంది. గరిష్ఠ DC ఛార్జింగ్ సామర్థ్యాన్ని ఉపయోగిస్తే కేవలం 10 నిమిషాల ఛార్జింగ్‌తో 290 నుంచి 324 కి.మీ వరకు రేంజ్ పొందవచ్చని Porsche తెలిపింది. Cayenne Electricలో 22kW వరకు AC ఛార్జింగ్కు సపోర్ట్ చేసే ఆన్‌బోర్డ్ ఛార్జర్ ఉంది. అనుకూలమైన వాల్‌బాక్స్ ఛార్జర్‌తో సుమారు 5.75 గంటల్లో పూర్తిగా ఛార్జ్ చేయవచ్చు. భారత్‌లో Porsche నుంచి 11kW వైర్‌లెస్ ఛార్జింగ్ సిస్టమ్‌ను ఆప్షన్‌గా అందించే తొలి మోడల్గా Cayenne Electric నిలుస్తోంది.
లగ్జరీ ఇంటీరియర్, ఆధునిక ఫీచర్లు
Cayenne Electric క్యాబిన్‌లో 14.5 అంగుళాల కర్వ్డ్ ఇన్ఫోటైన్‌మెంట్ టచ్‌స్క్రీన్ ఉంది. దీనికి అదనంగా పూర్తిగా డిజిటల్ ఇన్‌స్ట్రుమెంట్ క్లస్టర్ అందించారు. ఆప్షన్‌గా 14.9 అంగుళాల ప్యాసింజర్ డిస్‌ప్లే, Augmented Reality Head-Up Displayలను కూడా ఎంచుకోవచ్చు. స్టాండర్డ్ ఫీచర్లలో 8-వే ఎలక్ట్రికల్‌గా అడ్జస్ట్ చేయగల ఫ్రంట్ సీట్లు, 4-జోన్ ఆటోమేటిక్ క్లైమేట్ కంట్రోల్, వెంటిలేటెడ్ ఫ్రంట్ సీట్లు, స్లైడింగ్ పనోరమిక్ సన్‌రూఫ్, 25W వరకు వైర్‌లెస్ స్మార్ట్‌ఫోన్ ఛార్జింగ్ వంటి ఫీచర్లు ఉన్నాయి.
ADAS, సేఫ్టీ ఫీచర్లు
కొత్త Porsche Cayenne Electricలో అనేక అధునాతన డ్రైవర్ అసిస్టెన్స్, సేఫ్టీ ఫీచర్లు ఉన్నాయి. 2D సరౌండ్ వ్యూతో Park Assist, Lane Change Assist, Intersection Assist, Warn and Brake Assist, Swerve and Turn Assist, Speed Limit Assist వంటి ఫీచర్లు అందుబాటులో ఉన్నాయి. అలాగే Ultra-Wideband టెక్నాలజీతో Comfort Access కూడా ఉంది. దీని ద్వారా కీ లెస్ ఎంట్రీ, ఆటోమేటిక్ లాకింగ్, జెశ్చర్ కంట్రోల్డ్ టెయిల్‌గేట్ ఆపరేషన్ వంటి సౌకర్యాలు లభిస్తాయి.
