The Paradise Movie: ‘దసరా’ వంటి బ్లాక్‌బస్టర్ విజయం తర్వాత నేచురల్ స్టార్ నాని, దర్శకుడు శ్రీకాంత్ ఓదెల కాంబినేషన్‌లో తెరకెక్కిన మోస్ట్ వేటెడ్ రా యాక్షన్ డ్రామా ‘ది ప్యారడైజ్’ గురువారం ప్రేక్షకుల ముందుకు వచ్చింది. ఈ సినిమా విడుదలైన సందర్భంగానే డిజిటల్ స్ట్రీమింగ్ (OTT) హక్కులకు సంబంధించిన కీలక అప్‌డేట్ వెలువడింది. ప్రముఖ ఓటీటీ దిగ్గజం నెట్ఫ్లిక్స్ (Netflix) ఈ చిత్ర డిజిటల్ రైట్స్‌ను దక్కించుకుంది.
The Paradise Movie: నెట్‌ఫ్లిక్స్‌తో భారీ డీల్
‘ది ప్యారడైజ్’ డిజిటల్ రైట్స్ కోసం ప్రముఖ ఓటీటీ ప్లాట్‌ఫారమ్‌ల మధ్య తీవ్ర పోటీ నెలకొనగా, చివరికి నెట్ఫ్లిక్స్ భారీ ధరకు ఈ హక్కులను సొంతం చేసుకున్నట్లు సమాచారం. ఈ ఒప్పందంలో భాగంగా తెలుగుతో పాటు తమిళం, హిందీ, మలయాళం, కన్నడ భాషలకు సంబంధించిన సౌత్ అండ్ నార్త్ డిజిటల్ స్ట్రీమింగ్ రైట్స్ అన్నీ నెట్ఫ్లిక్స్ ఖాతాలోనే చేరాయి.
ఓటీటీ రిలీజ్ డేట్ అంచనా
ఈ చిత్రం సెప్టెంబర్ 24న ప్రపంచవ్యాప్తంగా థియేటర్లలో విడుదలైంది. బిగ్ బడ్జెట్ సినిమాల థియేట్రికల్ అగ్రిమెంట్స్ ప్రకారం, థియేటర్ రన్ ముగిసిన నాలుగు వారాల (28 రోజులు) తర్వాతే డిజిటల్ స్ట్రీమింగ్ ప్రారంభం కానుంది. ఈ లెక్కన దసరా పండుగ కానుకగా అక్టోబర్ 20 నుండి 22 తేదీల మధ్య ‘ది ప్యారడైజ్’ నెట్‌ఫ్లిక్స్‌లో ప్రసారమయ్యే అవకాశం ఉందని ఇండస్ట్రీ వర్గాలు అంచనా వేస్తున్నాయి.
శ్రీకాంత్ ఓదెల దర్శకత్వంలో రూపొందిన ఈ సినిమాలో నాని సరసన కయాదు లోహర్ కథానాయికగా నటించగా, కలెక్షన్ కింగ్ మోహన్ బాబు కీలకమైన విలన్ పాత్రలో కనిపించారు. అలాగే ప్రముఖ నటి సోనాలి కులకర్ణి మరొక ప్రాధాన్యమున్న పాత్రను పోషించారు.
Read Also hindi news: hindi.vaartha.com
Read Also Epaper : epaper.vaartha.com
Read Also :
