Sigma : తమిళనాడు ముఖ్యమంత్రి, ప్రముఖ తమిళ నటుడు విజయ్ కుమారుడు జేసన్ సంజయ్ దర్శకుడిగా చిత్రపరిశ్రమలోకి అరంగేట్రం చేస్తున్న చిత్రం ‘సిగ్మా’. టాలీవుడ్ యంగ్ అండ్ ఎనర్జెటిక్ హీరో సందీప్ కిషన్ ప్రధాన పాత్రలో నటిస్తున్న ఈ మోస్ట్ అవైటెడ్ మూవీ పై ఇప్పటికే ఇండస్ట్రీలో భారీ అంచనాలు నెలకొన్నాయి. ఈ సినిమా ప్రీరిలీజ్ ఈవెంట్‌ను హైదరాబాద్‌లో అత్యంత వైభవంగా నిర్వహించేందుకు నిర్మాతలు ఏర్పాట్లు పూర్తి చేశారు. ఈ వేడుకకు టాలీవుడ్ ‘మెగాస్టార్’ చిరంజీవి ముఖ్య అతిథిగా హాజరుకానుండటం విశేషం. మెగాస్టార్ రాకతో సినిమా ప్రమోషన్లకు కొత్త ఊపు రావడమే కాకుండా, తెలుగు, తమిళ పరిశ్రమల మధ్య ఉన్న సాన్నిహిత్యం మరోసారి నిరూపితమవుతోంది.
Read Also : ‘ప్యారడైజ్’కు అదిరిపోయే రెస్పాన్స్ వస్తోంది -నిర్మాత రవిశంకర్
కోలీవుడ్ డైరెక్షన్ – టాలీవుడ్ కాంబో: అక్టోబర్ 2న థియేటర్లలో రచ్చ
జేసన్ సంజయ్ మొదటి సినిమానే సరికొత్త కథాంశంతో, హై టెక్నికల్ వ్యాల్యూస్‌తో తెరకెక్కించినట్లు సమాచారం. ఈ చిత్రంలో సందీప్ కిషన్ సరసన గ్లామరస్ కథానాయిక ఫరియా అబ్దుల్లా హీరోయిన్‌గా నటించగా, ఇతర కీలక పాత్రల్లో ప్రముఖ నటీనటులు అలరించనున్నారు. ఈ చిత్రాన్ని గాంధీ జయంతి కానుకగా అక్టోబర్ 2న ప్రపంచవ్యాప్తంగా గ్రాండ్‌గా విడుదల చేయడానికి ప్లాన్ చేశారు. తమిళ సూపర్ స్టార్ విజయ్ వారసుడిగా జేసన్ సంజయ్ ఎంట్రీ ఇస్తుండటం, దానికితోడు మెగాస్టార్ చిరంజీవి ఆశీస్సులు లభించడంతో ‘సిగ్మా’ బాక్సాఫీస్ వద్ద మంచి టాక్ సొంతం చేసుకుంటుందని ట్రేడ్ వర్గాలు భావిస్తున్నాయి.
Read Also hindi news: hindi.vaartha.com
Read Also Epaper : epaper.vaartha.com
Read Also :
