Arvind Kejriwal: ఢిల్లీ ఇందిరాగాంధీ అంతర్జాతీయ విమానాశ్రయంలో కాక్రోచ్ జనతా పార్టీ (సీజేపీ) నేతలు అభిజీత్‌ దీప్కే, అశుతోష్‌ రంకా, సౌరవ్‌ దాస్‌లను అరెస్టు చేయడంపై ఆమ్‌ ఆద్మీ పార్టీ (ఆప్) అధినేత అరవింద్ కేజ్రీవాల్ తీవ్రంగా మండిపడ్డారు. విమానం దిగకముందే నేతలను అదుపులోకి తీసుకోవడం ప్రభుత్వ భయానికి, అసహనానికి నిదర్శనమని ఆయన ఎక్స్‌ వేదికగా ధ్వజమెత్తారు.
ఎమర్జెన్సీని మించిన దౌర్జన్యం
దేశంలో ప్రస్తుతం ఎమర్జెన్సీని మించిన దౌర్జన వాతావరణం కొనసాగుతోందని కేజ్రీవాల్ విమర్శించారు. ఓటు చోరీ ఆరోపణలు, ప్రజాస్వామ్య హక్కులను ప్రశ్నిస్తున్న వారి గొంతును ప్రభుత్వాలు అణచివేసే ప్రయత్నం చేస్తున్నాయని ఆరోపించారు. శాంతియుతంగా నిరసన తెలపాలనుకున్న వారిని ముందస్తుగా అరెస్టు చేయడం రాజ్యాంగ విరుద్ధమని పేర్కొన్నారు.
Read also: Jantar Mantar 2.0: రాహుల్, కేజ్రీవాల్‌లపై నబిన్ తీవ్ర ఆరోపణలు
Arvind Kejriwal: ప్రధాని మోదీ, సీఈఐ రాజీనామా డిమాండ్
ప్రజాస్వామ్యాన్ని అణచివేస్తున్న తీరుపై తీవ్ర నిరసన వ్యక్తం చేసిన కేజ్రీవాల్ సంచలన డిమాండ్లు చేశారు. ఓటర్ల జాబితా మరియు ఎన్నికల ప్రక్రియలో జరిగిన అక్రమాలకు నైతిక బాధ్యత వహిస్తూ ప్రధాన ఎన్నికల కమిషనర్‌ జ్ఞానేశ్‌ కుమార్‌తో పాటు ప్రధాని నరేంద్ర మోదీ కూడా తక్షణమే తమ పదవులకు రాజీనామా చేయాలని ఆయన డిమాండ్ చేశారు.
Read Also hindi news: hindi.vaartha.com
Read Also Epaper : epaper.vaartha.com
Read Also :
