టాలీవుడ్ చార్మింగ్ స్టార్ శర్వానంద్ , సెన్సేషనల్ డైరెక్టర్ శ్రీనువైట్ల కాంబినేషన్ లో వస్తున్న మోస్ట్ అవైటెడ్ ప్రాజెక్ట్ 'జార్జ్ క్రిష్' (George Krish). ఏకే ఎంటర్‌టైన్‌మెంట్స్ బ్యానర్‌పై రామబ్రహ్మం సుంకర అత్యంత భారీ వ్యయంతో నిర్మిస్తున్నారు. ఈ రోజు ( సెప్టెంబర్ 24, 2026 ) దర్శకుడు శ్రీనువైట్ల పుట్టినరోజు సందర్భంగా .. 'ఫస్ట్ బూస్టర్ పేరుతో గ్లింప్స్ విడుదల చేశారు మేకర్స్ . ఇది ఇప్పుడు సోషల్ మీడియాలో మాస్ రచ్చ లేపుతోంది.
ఈ గ్లింప్స్ చూస్తుంటే శ్రీనువైట్ల మార్క్ హిలేరియస్ ఎంటర్‌టైన్మెంట్ మళ్ళీ రిపీట్ అవ్వడం ఖాయమనిపిస్తోంది. ఇందులో శర్వానంద్ డిఫరెంట్ షేడ్స్ ఉన్న 'జార్జ్' అనే క్రైస్తవ యువకుడిగా, 'క్రిష్' అనే హిందూ కుర్రాడిగా రెండు విభిన్నమైన ల్యాండ్‌మార్క్ క్యారెక్టర్లలో కనిపించి మైండ్ బ్లాక్ చేస్తున్నారు. ఒకే మనిషిలో ఉన్న ఈ రెండు కాంట్రాస్టింగ్ షేడ్స్ చుట్టూ తిరిగే డ్రామా, దానివల్ల వచ్చే కామెడీ సిట్యుయేషన్స్ థియేటర్లలో నవ్వుల పూయించడం పక్కాగా కనిపిస్తోంది.
ఇక ఈ చిత్రంలో మాజీ ఫెమినా మిస్ ఇండియా మానస వారణాసి కథానాయికగా నటిస్తుండగా, ఆమె గ్లామర్ సినిమాకి స్పెషల్ అట్రాక్షన్ కానుంది. మెలోడీ అండ్ చార్ట్‌బస్టర్ స్పెషలిస్ట్ అనూప్ రూబెన్స్ అందిస్తున్న సంగీతం, ఎనర్జెటిక్ బ్యాక్‌గ్రౌండ్ స్కోర్ ఈ ఫన్ రైడ్‌కి అదనపు బూస్టింగ్ ఇస్తున్నాయి. అజయ్ సుంకర సహ నిర్మాతగా వ్యవహరిస్తున్న ఈ చిత్రాన్ని ఏటీవీ సమర్పిస్తోంది.
బాక్సాఫీస్ వద్ద సంక్రాంతి హంగామా సృష్టించేందుకు, ఫ్యామిలీ ఆడియన్స్ అందరినీ కడుపుబ్బ నవ్వించేందుకు 'జార్జ్ క్రిష్' రేసులోకి దిగుతున్నారు. పక్కా సంక్రాంతి వినోదాల విందుగా ఈ చిత్రాన్ని జనవరి 14, 2027న ప్రపంచవ్యాప్తంగా గ్రాండ్‌గా రిలీజ్ చేయనున్నట్లు యూనిట్ అధికారికంగా వెల్లడించింది. శర్వానంద్ మార్క్ యాక్టింగ్, శ్రీనువైట్ల పవర్ ప్యాక్డ్ టైమింగ్ కలగలిసిన ఈ పండగ బ్లాక్‌బస్టర్ కోసం ఫ్యాన్స్ తెగ వెయిట్ చేస్తున్నారు.
html, body,
