యూఏఈ కి చెందిన ఒక కంపెనీ బాస్ తన ఉద్యోగులకు ఊహించని సర్ప్రైజ్ గిఫ్ట్ ఇచ్చి సోషల్ మీడియాలో వైరల్ అయ్యారు. సరికొత్త ఐఫోన్ 16 ప్రో ఫోన్లను తన బృందంలోని ప్రతీ ఒక్కరికీ బహుమతిగా అందించగా, ఉద్యోగులు ఆనందంతో ఆ ఫోన్లను అన్‌బాక్సింగ్ చేస్తున్న వీడియో ఇంటర్‌నెట్‌లో విపరీతంగా హల్చల్ చేస్తోంది. సదరు కంపెనీ యజమాని తన టీమ్‌లోని ఉద్యోగులందరికీ సరికొత్త ఐఫోన్ 16 ప్రో స్మార్ట్‌ఫోన్‌లను బహుమతిగా ఇచ్చారు. మార్కెట్‌లో ఎంతో క్రేజ్, అధిక ధర కలిగిన ఈ ఫోన్లను గిఫ్ట్‌గా పొందడంతో ఉద్యోగుల ఆనందానికి హద్దులు లేవు.
ఉద్యోగులు తమ కొత్త ఐఫోన్ బాక్సులను ఎంతో ఉత్సాహంగా తెరచి, అన్‌బాక్సింగ్ చేస్తున్న క్షణాలను వీడియోగా తీసి సోషల్ మీడియాలో షేర్ చేశారు. ఈ వీడియో నెటిజన్లను ఎంతగానో ఆకట్టుకుంది. అందులో ఉద్యోగుల ముఖాల్లోని సంతోషం, ఆశ్చర్యం స్పష్టంగా కనిపిస్తున్నాయి. కంపెనీ విజయంలో ఉద్యోగుల పాత్రను గుర్తించి, వారి శ్రమకు ప్రతిఫలంగానే ఈ గిఫ్ట్ ఇచ్చినట్లు సదరు యజమాని పేర్కొన్నారు.
ఈ వీడియో సోషల్ మీడియా ప్లాట్‌ఫామ్‌లలో ప్రత్యక్షమైన కొద్దిసేపటికే లక్షలాది వ్యూస్, వేలాది కామెంట్లతో వైరల్‌గా మారింది. ఈ వీడియోపై నెటిజన్లు రకరకాలుగా స్పందిస్తున్నారు. ఇలాంటి బాస్ ప్రతి ఆఫీస్‌లో ఉంటే ఉద్యోగుల పనితీరు రెట్టింపు అవుతుంది అని కొందరు కామెంట్ చేశారు.
View this post on Instagram
ఉద్యోగుల శ్రమను గుర్తించే విధానం నిజంగా అద్భుతం అని మరికొందరు ప్రశంసించారు. మా కంపెనీలో కూడా ఇలాంటి సర్ప్రైజ్ ఇస్తే ఎంత బాగుండో అంటూ కొందరు సరదాగా తమ అభిప్రాయాలను వ్యక్తం చేశారు.
ఉద్యోగుల మనోధైర్యాన్ని పెంచడానికి, వారిలో ఆత్మీయతను నింపడానికి ఇలాంటి కానుకలు ఎంతో తోడ్పడతాయని, కార్పొరేట్ సంస్కృతిలో ఇదొక మంచి పరిణామమని నిపుణులు అభిప్రాయపడుతున్నారు.
