vivo S2 FE Launch on October 6: ప్రముఖ స్మార్ట్‌ఫోన్ బ్రాండ్ వివో తన కొత్త vivo S2 FE స్మార్ట్‌ఫోన్‌ను త్వరలో మార్కెట్లోకి తీసుకురానుంది. వివో S2కి కొనసాగింపుగా ఈ కొత్త ఫోన్‌ను తీసుకొస్తోంది. అక్టోబర్ 6, మంగళవారం మధ్యాహ్నం 12 గంటలకు vivo S2 FE అధికారికంగా లాంచ్ కానుంది.
యువతను ప్రధానంగా లక్ష్యంగా చేసుకుని ఈ స్మార్ట్‌ఫోన్‌ను రూపొందించినట్లు వివో తెలిపింది. డిజైన్‌తో పాటు ఫంక్షనాలిటీకి ప్రాధాన్యత ఇస్తున్నట్లు పేర్కొంది. ఇప్పటివరకు తమ స్మార్ట్‌ఫోన్లలో అందించిన వాటిలోనే అత్యధిక బ్యాటరీ సామర్థ్యంతో vivo S2 FE రానుందని కంపెనీ వెల్లడించింది.
భారీ బ్యాటరీ & ఇమర్సివ్ డిస్‌ప్లే
భారీ బ్యాటరీతో పాటు ఇమర్సివ్ డిస్‌ప్లేను అందించనున్నారు ఈ మొబైల్ లో. సోషల్ మీడియా వినియోగం, కంటెంట్ క్రియేషన్‌ను దృష్టిలో ఉంచుకుని స్లిమ్ ప్రొఫైల్‌తో ఫోన్‌ను రూపొందించినట్లు కంపెనీ తెలిపింది. దీంతో రోజువారీ వినియోగంతో పాటు ఫొటోలు, వీడియోలు, సోషల్ మీడియా కంటెంట్ కోసం ఈ ఫోన్‌ను ఉపయోగించుకోవచ్చు.
డ్యూయల్ కెమెరా..
వివో విడుదల చేసిన టీజర్లలో “My New Story” అనే ట్యాగ్‌లైన్‌ను హైలైట్ చేసింది. ఫోన్ వెనుక భాగంలో డ్యూయల్ కెమెరా సెటప్ ఉన్నట్లు కూడా ప్రమోషనల్ మెటీరియల్స్ ద్వారా వెల్లడైంది. సాఫ్ట్‌వేర్ విషయానికి వస్తే OriginOS ఆపరేటింగ్ సిస్టమ్‌తో vivo S2 FE అందుబాటులోకి రానుంది. ఈ స్మార్ట్‌ఫోన్‌ను Flipkart, vivo India ఆన్‌లైన్ స్టోర్‌తో పాటు దేశవ్యాప్తంగా ఉన్న ఆఫ్‌లైన్ స్టోర్లలో అమ్మనున్నట్లు కంపెనీ తెలిపింది.
ధర
vivo S2 FEకి సంబంధించిన పూర్తి స్పెసిఫికేషన్స్, ధర, ర్యామ్-స్టోరేజ్ వేరియంట్లు, కెమెరా వివరాలు, బ్యాటరీ సామర్థ్యం, సేల్ తేదీ వంటి వివరాలను కంపెనీ ఇంకా వెల్లడించలేదు. అక్టోబర్ 6న మధ్యాహ్నం 12 గంటలకు జరిగే లాంచ్ ఈవెంట్‌లో ఈ వివరాలను అధికారికంగా ప్రకటించనుంది.
