Makkah Defence Pact: పాకిస్తాన్-సౌదీ అరేబియా-టర్కీలు కలిసి ‘మక్కా జాయింట్ అగ్రిమెంట్’పై సంతకం చేశాయి. ఒక కూటమిగా ఏర్పడ్డాయి. ఒక దేశంపై దాడి జరిగితే అది మూడు దేశాలపై దాడిగా పరిగణిస్తూ, రక్షణగా నిలుస్తామని మక్కా ఒప్పందాన్ని కుదుర్చుకున్నాయి. ఇదిలా ఉంటే, ఇప్పుడు ఈ మక్కా కూటమికి సెక్రటరీ జనరల్‌గా పాకిస్తాన్ సైనిక అధికారి లెఫ్టినెంట్ జనరల్ (రిటైర్డ్) నౌమాన్ మహమూద్ నియమితులయ్యారు.
భారత్‌తో యుద్ధంలో తండ్రి మరణం:
నౌమాన్ మహమూద్ తండ్రి రజా సుల్తాన్ మహమూద్ 1971 బంగ్లాదేశ్ విముక్తి యుద్ధంలో పాకిస్తాన్ 32 బలూచ్ రెజిమెంట్‌లో కమాండింగ్ ఆఫీసర్‌గా పనిచేశారు. పాకిస్తాన్ సైనిక చరిత్ర ప్రకారం.. తూర్పు పాకిస్తాన్‌లోని పిర్‌గంజ్ ప్రాంతంలో జరిగిన పోరులో ఆయన మరణించారు. భారత్ సైన్యం వీరోచితంగా పోరాడి పాకిస్తాన్ ఆధీనంలో ఉన్న స్థావరాన్ని భారత గూర్ఖా రైఫిల్స్ చేజిక్కించుకున్నాయి. ఈ ఎదురుకాల్పుల్లో రజా సుల్తాన్ మహమూద్ హతమయ్యారు.
పాక్ సైన్యంలో అనేక పదవుల్లో పనిచేసిన నౌమాన్..
నౌమాన్ మహమూద్ 1987లో పాకిస్తాన్ సైన్యంలో చేరారు. పదాతిదళంలో పనిచేసి, కమాండర్ బాధ్యతలు నిర్వహించారు. పాకిస్తాన్ నేషనల్ డిఫెన్స్ యూనివర్సిటీ అధ్యక్షుడిగా కూడా పనిచేశారు. 2023లో సైన్యం నుంచి పదవీవిరమణ పొందారు. హౌతీ తిరుగుబాటుదారులు సౌదీ అరేబియాపై భీకరదాడులు చేస్తున్న సమయంలో నౌమాన్ నియామకం జరిగింది.
