సాధారణంగా ప్రతీ ఇంట్లోనూ కబోర్డు ఉంటుంది. దాన్నే వార్డ్ రోబ్ అని కూడా అంటారు. అందులో వస్త్రాలు… మరికొంతమంది విలువైన వస్తువులు కూడా భద్ర పరుచుకుంటారు. అవసరం ఉన్నప్పుడు వార్డ్ రోబ్ తలుపు తెరిచి వస్తువులను వినియోగించుకుంటారు. అలాగే.. విశాఖలోని ఓ ఇంట్లో మహిళ, చీరకోసం చేయి పెడితే.. అందులో కనిపించిన దృశ్యం చూసి భయపడి గుండె పగిలినంతపనైంది.
విశాఖ లంకెలపాలెం వినాయక నగర్ లో ఈ ఘటన జరిగింది. ఓ ఇంట్లో వస్త్రాలు పెట్టుకునే కబోర్డ్ లో పాము చొరబడింది. చీర తీసేందుకు చేయి పెట్టిన మహిళకు భయపెట్టింది. వెంటనే గుండెలు పట్టుకున్న ఆ మహిళ.. కేకలు పెట్టింది. అప్రమత్తమైన కుటుంబ సభ్యులు విషయాన్ని తెలుసుకొని.. స్నేక్ కేచరకు సమాచారం అందించారు. రంగంలోకి దిగిన స్నేక్ కేచర్ కిరణ్ కుమార్.. పామును రెస్క్యూ చేశాడు. దీంతో అంతా ఊపిరి పీల్చుకున్నారు.
వస్త్రాల మధ్య నక్కి భయపెట్టిన ఆ పాము జెర్రిగుడ్డుగా గుర్తించారు. ర్యాట్ స్నేక్ అని పిలుస్తారు. గోధుమ రంగులో ఉండే ఈ పాము… విషరహిత సర్పం. ఎలుకలను వేటాడి ఆహారంగా తీసుకుంటుంది. రెడ్ స్నేక్ కాబట్టి సరిపోయింది. అదే నాగుపాము లాంటి విష సర్పమైతే.. ప్రాణాలు ప్రమాదంలో పడేవి.
