418Movie | వైవిధ్యమైన చిత్రాలతో ప్రేక్షకులను అలరిస్తున్న ప్రముఖ దర్శకుడు ప్రశాంత్ నీల్ సమర్పణలో తెరకెక్కుతున్న సంచలన హారర్ చిత్రం ‘418’. ట్రెండింగ్ నిర్మాణ సంస్థ మైత్రీ మూవీ మేకర్స్ ఈ చిత్రాన్ని నిర్మిస్తోంది. తెలుగు తెరపై ఇప్పటివరకు ఎన్నడూ చూడని సరికొత్త కథాంశంతో, సరికొత్త భయానక వాతావరణంలో ఈ సినిమాను రూపొందించారు. హారర్ చిత్రాల జోనర్‌కు సరికొత్త నిర్వచనం ఇచ్చేలా ఈ సినిమా ఉంటుందని, థియేటర్లలో ప్రేక్షకులకు సరికొత్త అనుభూతిని పంచుతుందని సినీ వర్గాల్లో గట్టి చర్చ జరుగుతోంది.
అయితే ఈ చిత్రానికి సంబంధించి మేకర్స్ విడుదల చేసిన అప్‌డేట్స్ ప్రేక్షకుల్లో భారీ అంచనాలను క్రియేట్ చేశాయి. కాగా.. ఈ సినిమాను అక్టోబర్ 22వ తేదీన లేట్ నైట్ ప్రీమియర్లతో ప్రేక్షకుల ముందుకు తీసుకురానున్నారు. అర్ధరాత్రి సమయంలో భయానక చిత్రాలు చూస్తూ అసలైన థ్రిల్ అనుభవించాలనుకునే సినీ ప్రియుల కోసం ఈ ప్రత్యేక రాత్రి షోలను ఏర్పాటు చేయడం విశేషం. ఆ తర్వాత అక్టోబర్ 23న ఈ సినిమా ప్రపంచవ్యాప్తంగా ఘనంగా విడుదల కానుంది. ప్రశాంత్ నీల్ మార్క్ మేకింగ్ స్టైల్, మైత్రీ మూవీ మేకర్స్ నిర్మాణ విలువలు ఈ సినిమాను మరో స్థాయికి తీసుకెళ్తాయని, బాక్సాఫీస్ వద్ద ఇది ఎలాంటి సంచలనాలు సృష్టిస్తుందో వేచి చూడాలని అభిమానులు ఆసక్తిగా ఎదురుచూస్తున్నారు.
