మహాదేవపూర్ : కరెంటు కోతలపై ప్రభుత్వాన్ని నిలదీస్తే అరెస్టులు (Arrests ) చేయడం దారుణమని బీఆర్ఎస్ నాయకులు ఆగ్రహం వ్యక్తం చేశారు. బీఆర్ఎస్ వర్కింగ్‌ ప్రెసిడెంట్‌ కేటీఆర్ ( KTR ) పిలుపు మేరకు రాష్ట్రవ్యాప్తంగా చేపట్టిన పవర్ ప్లాంట్ల ( Power Plants ) ముట్టడి కార్యక్రమంలో పాల్గొనకుండా మహాదేవపూర్ మండల నాయకులు శ్రీపతిబాపు, కేదారి గీత, అలీం ఖాన్, కూరతోట శ్రీహరి, చిల్ల కుమార్‌ను పోలీసులు ముందస్తు అరెస్టు చేశారు.
వారు మాట్లాడుతూ ప్రజాస్వామ్యంలో ప్రశ్నించే గొంతును అణచివేయడమే ప్రభుత్వ విధానమా అని ప్రశ్నించారు. రైతులకు 24 గంటల నాణ్యమైన విద్యుత్ అందించడంలో ప్రభుత్వం విఫలమైందని ఆరోపించారు.
గత ప్రభుత్వ హయాంలో నిరంతర విద్యుత్‌తో రైతులు సంతోషంగా ఉన్నారని, ప్రస్తు తం విద్యుత్ కోతలతో పంటలు ఎండిపోయే పరిస్థితి ఏర్పడిందని పేర్కొన్నారు. విద్యుత్ ఉత్పత్తి సామర్థ్యం, బొగ్గు నిల్వలపై ప్రభుత్వం చెబుతున్న కారణాలు కుంటి సాకులేనని విమర్శించారు. రైతులను ఇబ్బందులకు గురిచేయకుండా వెంటనే నిరంతర విద్యుత్ సరఫరా చేయాలని ప్రభుత్వాన్ని డిమాండ్ చేశారు.
