మంచిర్యాల, వెలుగు: పెద్దపల్లి ఎంపీ వంశీకృష్ణతో మానసిక క్షోభకు గురవుతున్నానని మంచిర్యాల ఎమ్మెల్యే ప్రేమ్సాగర్రావు పేర్కొనడం సిగ్గుచేటని బీజేపీ స్టేట్ వైస్ ప్రెసిడెంట్ వెరబెల్లి రఘునాథ్రావు విమర్శించారు. ‘ఎంపీ ఎన్నికల్లో రూ.10 కోట్లు తీసుకొని ఓట్లేయించినప్పుడు, నీ ఇంట్లో ప్రెస్మీట్ పెట్టినప్పుడు వంశీకృష్ణ దళిత కార్డు గుర్తు రాలేదా?’ అని ప్రశ్నించారు.
బుధవారం ఆయన మంచిర్యాలలోని పార్టీ జిల్లా ఆఫీస్లో మీడియాతో మాట్లాడారు. ప్రేమ్సాగర్రావు ఎమ్మెల్యేగా గెలిచిన రెండున్నర ఏండ్ల కాలంలోనే రూ.470 కోట్ల బ్యాంకు లోన్లు తీర్చాడంటే నియోజకవర్గంలో ఎంత దోపిడీ చేశాడో అర్థమవుతోందన్నారు.
బీఆర్ఎస్ అధికారంలో ఉన్నప్పుడు ఎమ్మెల్సీ ఎన్నికల్లో పైసల కోసం ఆ పార్టీ అభ్యర్థికి ఓటు వేయించిన చరిత్ర నీదని గుర్తు చేశారు. ‘నీకు డబ్బు వచ్చే పనులకు ప్రయారిటీ ఇస్తావు. తప్ప ప్రజా సమస్యలు పట్టించుకోవు’ అని విమర్శించారు. ఎంపీ, ఎమ్మెల్యేలు ర్యాలీలు, మీటింగుల నిర్వహణలో పోటీ పడడం కాదని, డెవలప్మెంట్లో పోటీ పడాలని హితవు పలికారు.
వారికి ఫ్లెక్సీలపై ఉన్న ప్రేమ ప్రజలపై లేదన్నారు. వారి గొడవల వల్ల నియోజకవర్గంలో అభివృద్ధి కుంటుపడుతోందన్నారు. పీఎస్సార్ ఎన్ని జిమ్మిక్కులు చేసినా మంచిర్యాల ప్రజలు నమ్మే పరిస్థితుల్లో లేరన్నారు. కాంగ్రెస్ పార్టీకి దళితులపై నిజమైన ప్రేమ ఉంటే చేవెళ్ల డిక్లరేషన్ను వెంటనే అమలు చేయాలని డిమాండ్ చేశారు.
html, body,