Ex CM Siddaramaiah : కర్ణాటక మాజీ ముఖ్యమంత్రి, ప్రముఖ కాంగ్రెస్ దిగ్గజం సిద్ధరామయ్య రంగుల ప్రపంచంలోకి రీ-ఎంట్రీ ఇస్తూ మరోసారి సీఎం పాత్రలో కనిపించబోతున్నారు. అయితే ఇది నిజ జీవితంలో కాకుండా ‘ముఖ్యమంత్రి’ అనే కన్నడ ఫీచర్ సినిమాలో టైటిల్ రోల్ పోషించనున్నారు. దశాబ్దాల రాజకీయ అనుభవం ఉన్న ఆయనను పూర్తి స్థాయి పాత్రలో వెండితెరపై చూపించేందుకు దర్శక నిర్మాత రాజేష్ గౌడ ‘ఆర్‌ఏ ఫిల్మ్ ఫ్యాక్టరీ’ బ్యానర్‌పై ప్రణాళికలు సిద్ధం చేశారు. ఈ చిత్రంలో ఇతర ప్రముఖ రాజకీయ నాయకులు కూడా అతిథి పాత్రల్లో మెరవనున్నారని సమాచారం.
Read Also : లాభాల్లో ముగిసిన దేశీయ స్టాక్ మార్కెట్లు
48 గంటల్లో స్క్రిప్ట్ టు స్క్రీన్: గిన్నిస్ రికార్డే లక్ష్యం
ఈ సినిమా కేవలం సిద్ధరామయ్య నటనకే కాకుండా ఒక వినూత్నమైన ప్రయోగానికి వేదిక కానుంది. కథా చర్చలు, చిత్రీకరణ, పోస్ట్ ప్రొడక్షన్ పనులు, సెన్సార్ ప్రక్రియను పూర్తి చేసి కేవలం 48 గంటల్లో థియేటర్లలో ప్రదర్శించడం ద్వారా సరికొత్త ప్రపంచ రికార్డు సృష్టించాలని దర్శకుడు రాజేష్ లక్ష్యంగా పెట్టుకున్నారు. కళాశాల రోజుల్లో నాటకాలలో నటించిన అనుభవం ఉన్న సిద్ధరామయ్య, 2017లో ‘సమ్మర్ హాలిడేస్’ అనే బాలల చిత్రంలో ఒక చిన్న పాత్రలో కనిపించారు. ఇప్పుడు ఈ 48 గంటల రికార్డు ప్రాజెక్ట్‌లో ఆయన ముఖ్యమంత్రిగా ఏ విధంగా అలరిస్తారోనని ఇటు రాజకీయాల్లోనూ, అటు సినీ వర్గాల్లోనూ ఆసక్తి నెలకొంది.
Read Also hindi news: hindi.vaartha.com
Read Also Epaper : epaper.vaartha.com
Read Also :
