దుబాయ్: విమానంలో కో పైలట్ జరిపిన దాడిని ధైర్యంగా ఎదుర్కొని, ప్రయాణికుల ప్రాణాలను రక్షించిన భారతీయ పైలట్ స్మిత్ మచ్చర్ను దుబాయ్ క్రౌన్ ప్రిన్స్ షేక్ హమ్దాన్ బిన్ మొహమ్మద్ బిన్ రషీద్ అల్ మక్తౌమ్ స్వయంగా ఆస్పత్రికి వెళ్లి పరామర్శించారు. మచ్చర్ ప్రదర్శించిన సాహసాన్ని, ధైర్యాన్ని అభినందించారు. ఈ భేటీ అనంతరం క్రౌన్ ప్రిన్స్ ఎక్స్ వేదికగా పైలట్ సాహసాన్ని కొనియాడారు.
మా తరపున, దేశ నాయకత్వం తరపున ఆయనకు కృతజ్ఞతలు తెలియజేస్తున్నామని పేర్కొన్నారు. ఆయన తమ బృందంలో భాగం కావడం, తమ దేశ చరిత్రలో భాగం కావడం ఎంతో గర్వకారణమని వెల్లడించారు. యూఏఈ ఎప్పుడూ కరుణ, శాంతి, ప్రాణాలను రక్షించే దేశంగా నిలుస్తుందని ప్రిన్స్ షేక్ హమ్దాన్ బిన్ పేర్కొన్నారు. ఈ పరామర్శ సందర్భంగా మచ్చర్తో ఆప్యాయంగా మాట్లాడుతున్న ఫొటోలను, ఆయన్ని అక్కున చేర్చుకున్న దృశ్యాలను క్రౌన్ ప్రిన్స్ షేక్ హమ్దాన్ బిన్ మొహమ్మద్ బిన్ రషీద్ అల్ మక్తౌమ్ సోషల్ మీడియాలో షేర్చేశారు.
