మహబూబ్నగర్ అర్బన్, వెలుగు: ప్రైవేట్ స్కూళ్ల ఫీజుల దోపిడీని అరికట్టేందుకు ఫీజుల నియంత్రణ చట్టాన్ని తీసుకురావాలని విద్యా కమిషన్ మాజీ చైర్మన్ఆకునూరి మురళి డిమాండ్ చేశారు. తెలంగాణ పీపుల్స్ ఫ్రంట్(టీపీఎఫ్) ఆధ్వర్యంలో చేపట్టిన బస్సు యాత్ర బుధవారం మహబూబ్నగర్ చేరుకుంది.
టీపీఎఫ్ ఆధ్వర్యంలో నగరంలోని ప్రెస్క్లబ్లో రౌండ్ టేబుల్ సమావేశాన్ని నిర్వహించారు. ఈ సందర్భంగా ఆయన మాట్లాడుతూ ప్రైవేట్ స్కూళ్లలో ఫీజుల భారంతో పేద, మధ్య తరగతి కుటుంబాలు ఆర్థికంగా ఇబ్బంది పడుతున్నాయని చెప్పారు. అడ్మిషన్ ఫీజు, బిల్డింగ్ ఫండ్, పుస్తకాలు, యూనిఫాం, రవాణా తదితర పేర్లతో తల్లిదండ్రులపై అదనపు భారం మోపి దోపిడీ చేస్తున్నారన్నారు.
ప్రైవేట్ స్కూళ్లలో ఫీజుల నియంత్రణ, పర్యవేక్షణ కోసం ప్రత్యేక కమిషన్, చట్టాన్ని వెంటనే ఆమోదించి సమర్థవంతంగా అమలు చేయాలన్నారు. సర్కారు స్కూళ్లను బలోపేతం చేయడంతో పాటు మౌలిక వసతులు, నాణ్యమైన విద్య, టీచర్ల కొరత వంటి సమస్యలను పరిష్కరించాలన్నారు.
రాష్ట్ర వార్షిక బడ్జెట్‌‌‌‌లో 18 శాతం నిధులను కేటాయించాలని డిమాండ్ చేశారు. ప్రొఫెసర్ పద్మజ, రిటైర్డ్ ఐఏఎస్ ఎండీ రెడ్డి, టీపీఎఫ్ సభ్యులు సృజన యాదవ్, ముప్పూరి కుమారన్న, నిఖిల్, విజయ్ కృష్ణ, పాలకూరి అశోక్ కుమార్, మట్టగళ్ల వెంకటయ్య, బి.నాగన్న పాల్గొన్నారు.
html, body,
