దండేపల్లి, వెలుగు: గణేశ్ నిమజ్జనాన్ని ప్రశాంత వాతావరణంలో సజావుగా జరుపుకోవాలని, ఇందుకు అవసరమైన పకడ్బందీగా ఏర్పాట్లు చేపట్టాలని మంచిర్యాల కలెక్టర్ కుమార్ దీపక్ అన్నారు. బుధవారం దండేపల్లి మండలం గూడెంలో గోదావరి తీరంలో నిమజ్జన ప్రాంతాన్ని ఆయన పరిశీలించారు. నిమజ్జన సమయంలో ఎలాంటి అవాంఛనీయ ఘటనలు జరగకుండా ముందు జాగ్రత్త చర్యలు చేపట్టాలని సూచించారు. అనంతరం ద్వారక గ్రామంలో కొనసాగుతున్న ఎస్‌‌‌‌టీ బాయ్స్‌ హాస్టల్‌‌‌‌ను పరిశీలించారు.
జడ్పీ హైస్కూల్‌‌‌‌లో తరగతి గదులు, రిజిస్టర్లు, విద్యాబోధన, పరిసరాలను పరిశీలించారు. ఈ సందర్భంగా ఆయన మాట్లాడుతూ ప్రభుత్వ విద్యా వ్యవస్థను పటిష్టం చేస్తూ ప్రభుత్వం అనేక కార్యక్రమాలు చేపడుతుందన్నారు. 9వ తరగతి విద్యార్థులతో మాట్లాడి వారి అభ్యాసన సామర్థ్యాలను పరీక్షించారు. మండల కేంద్రంలోని కేజీబీవీని సందర్శించారు. విద్యార్థులకు మెనూ ప్రకారం పౌష్టికాహారం అందించాలన్నారు. మండల కేంద్రంలో కొనసాగుతున్న ఓటరు జాబితా ప్రత్యేక సమగ్ర సవరణ ప్రక్రియను పరిశీలించారు. కలెక్టర్ వెంట తహసీల్దార్ రోహిత్ దేశ్ పాండే, ఎంపీడీవో జేఆర్‌ ప్రసాద్, ఎస్ఐ రాజావర్ధన్ తదితరులు ఉన్నారు.
html, body,