కొత్తగా ఇల్లు కొన్నా.. ఇల్లు కట్టినా కచ్చితంగా వాస్తు నియమాలు పాటించాల్సిందే. అయితే అపార్ట్మెంట్స్ లో ప్లాట్ కొనేటప్పుడు తీసుకోవలసిన జాగ్రత్తలు ఏమిటి.. టి.జంక్షన్ రోడ్ పక్క ప్లాట్స్ కొంటే ఇబ్బందులు ఉంటాయా.. అపార్ట్మెంట్స్ విషయంలో వీధిపోటు విషయంలో తీసుకోవలసిన జాగ్రత్తలు ఏమిటి.. ...మొదలగు విషయాల గురించి వాస్తు కన్సల్టెంట్ కాశీనాథుని శ్రీనివాస్ గారు ఏమంటున్నారో చూద్దాం...
ప్రశ్న: టి.జంక్షన్ రోడ్ పక్క ప్లాట్స్ ఉన్నాయి. అలాంటి స్థలంలో ప్లాట్ కొనుక్కోవచ్చా?
జవాబు: టీ జంక్షన్ పక్కన ఉన్న ప్లాట్స్ తీసుకోవడంలో తప్పేమీలేదు. అయితే వీధి శూల ఉందా? లేదా? అని చూసుకోవాలి. వీధి పోటు లేని స్థలమైతే నిరభ్యంతరంగా తీసుకోవచ్చు.
ప్రశ్న: మా అపార్ట్మెంట్ కు ఎదురుగా వీధి ఉంది.. ఎత్తుగా ఉంటాయి కాబట్టి అపార్ట్మెంట్స్ కు వీధి పోటు వర్తించదు అని చెప్పారు. అది నిజమేనా?
జవాబు: అపార్ట్మెంట్స్ కు వీధి పోటు వర్తించదు. ఎందుకంటే అపార్ట్మెంట్ పై ఫ్లోర్స్ లో ఫ్లాట్స్ ఉండి. గ్రౌండ్ ఫ్లోర్లో పార్కింగ్ ఉంటుంది. అక్కడ నివాసం ఉండరు కాబట్టి వీధి పోటు ఉండదు.
