ఇండియాలో ఫ్లిప్‌కార్ట్ 'ఈట్-ఇన్ బై మినిట్స్' అనే ఆన్‌లైన్ ఫుడ్ డెలివరీ సేవను తీసుకురావడానికి సన్నాహాలు చేస్తోంది. వాల్‌మార్ట్ యాజమాన్యంలోని ఈ-కామర్స్ సంస్థ ఇటీవల బెంగళూరులో 8 వేల మంది ఉద్యోగులతో ఈ మేరకు ఇంటర్నల్ టెస్ట్ చేసింది. అక్టోబర్ నెలాఖరుకు పబ్లిక్‌గా వెళ్లాలనే ఆలోచనలో ఫ్లిప్‌కార్ట్ ఉంది.
ఇప్పటికే ఇండియాలో ఫుడ్ ఆర్డరింగ్ వ్యాపారంలో అతిపెద్ద సంస్థలుగా ఉన్న జొమాటో, స్విగ్గీ వంటి ప్రముఖ ఆన్‌లైన్ ఫుడ్ ఆర్డరింగ్ ప్లాట్‌ఫారమ్‌లతో ఫ్లిప్ కార్ట్ పోటీ పడటానికి సిద్ధంగా ఉంది. ఫ్లిప్‌కార్ట్ తన ప్రస్తుత షాపింగ్ యాప్‌లోనే ఈ ఫుడ్ డెలివరీ సేవను కూడా ప్రారంభిస్తోందని, ఇందుకోసం తన లాజిస్టిక్స్ విభాగమైన ఏకార్ట్ ద్వారా ప్రత్యేక డెలివరీ టీంను ఉపయోగిస్తోందని టెక్ క్రంచ్ రిపోర్ట్ తెలిపింది.
* ఫ్లిప్‌కార్ట్ 2026 అక్టోబర్ చివరి నాటికి 'ఈట్-ఇన్ బై మినిట్స్'ను ప్రారంభించడానికి సిద్ధమవుతున్నట్లు సమాచారం.
* బెంగళూరులో సుమారు 8,000 మంది ఉద్యోగులకు అంతర్గత పరీక్షలు విస్తరించినట్లు సమాచారం.
* ఈ సేవను ప్రధాన ఫ్లిప్‌కార్ట్ యాప్‌లో విలీనం చేయనున్నట్లు భావిస్తున్నారు.
* ఏకార్ట్ ఫుడ్ డెలివరీల కోసం ప్రత్యేక వాహన సముదాయాన్ని నడుపుతున్నట్లు సమాచారం.
* రెస్టారెంట్ జాబితాలలో ONDC భాగస్వాములు, నేరుగా నమోదు చేసుకున్న రెస్టారెంట్లు ఉంటాయని సమాచారం.
* సుమారు 10% ప్రతిపాదిత బేస్ కమిషన్..
బెంగళూరులో 'ఈట్-ఇన్ బై మినిట్స్' బ్రాండింగ్ ఉన్న టీ-షర్టులు ధరించిన డెలివరీ రైడర్లు కనిపించారు. ఈ ప్రత్యేక బృందాన్ని ఏర్పాటు చేయడం చూస్తుంటే.. ఫ్లిప్‌కార్ట్ తన ప్రస్తుత క్విక్-కామర్స్ సిబ్బందిపై పూర్తిగా ఆధారపడకుండా, ఒక ప్రత్యేక డెలివరీ ఆపరేషన్‌ను సిద్ధం చేస్తోందని స్పష్టమైంది. ఫ్లిప్‌కార్ట్ ఫుడ్ డెలివరీ సర్వీస్ తన కమీషన్ విధానం హైలైట్ అని చెబుతోంది.
