LK Advani: భారతీయ జనతా పార్టీ జాతీయ సీనియర్ నేత, మాజీ ఉప ప్రధాని లాల్ కృష్ణ అద్వానీ (LK Advani)అస్వస్థతకు గురయ్యారు. 98 సంవత్సరాల వయస్సు ఉన్న ఆయన ఛాతీలో ఇన్ఫెక్షన్, వయోసహజ ఆరోగ్య సమస్యలతో బాధపడుతుండటంతో ఢిల్లీలోని ఇంద్రప్రస్థ అపోలో ఆస్పత్రిలో చేర్పించారు. దేశ రాజకీయాల్లో దశాబ్దాల పాటు కీలక పాత్ర పోషించిన భారత రత్న అద్వానీ ఆరోగ్య పరిస్థితిపై దేశవ్యాప్తంగా అభిమానులు, రాజకీయ నాయకులు తీవ్ర ఆందోళన వ్యక్తం చేస్తున్నారు.
Russia Earthquake: రష్యాలో భారీ భూకంపం.. రిక్టర్ స్కేల్ పై 6.9 తీవ్రత.. భయంతో పరుగులు తీసిన జనం!
వైద్యుల పర్యవేక్షణలో చికిత్స.. పరిస్థితి నిలకడ:
శుక్రవారం రాత్రి 7:30 గంటల ప్రాంతంలో అద్వానీ ఆస్పత్రికి వచ్చినట్లు వైద్య వర్గాలు తెలిపాయి. ఆయనను పల్మనాలజీ విభాగంలో చేర్చి, నిపుణులైన వైద్యుల బృందం పర్యవేక్షణలో ప్రత్యేక చికిత్స అందిస్తున్నారు. ప్రస్తుతం ఆయన ఆరోగ్య పరిస్థితి నిలకడగా ఉందని, భయపడాల్సిన పనిలేదని ఆస్పత్రి వర్గాలు హెల్త్ బులిటెన్‌లో వెల్లడించాయి. గతంలో 2026 మే నెలలో, 2024 లో కూడా ఆయన వయోసహజ సమస్యలతో ఆస్పత్రిలో చేరి చికిత్స పొంది డిశ్చార్జ్ అయ్యారు.
బిజెపి వ్యవస్థాపక నేత.. దేశ అత్యున్నత పురస్కారం:
బీజేపీ వ్యవస్థాపక నేతల్లో అత్యంత కీలకమైన ఎల్కే అద్వానీ, 1999 నుండి 2004 వరకు కేంద్ర హోంమంత్రిగా, 2002 నుండి 2004 వరకు దేశ ఉప ప్రధానిగా బాధ్యతలు నిర్వహించారు. ప్రజా జీవితానికి, దేశ రాజకీయాలకు ఆయన అందించిన సుదీర్ఘ సేవలకు గుర్తింపుగా కేంద్ర ప్రభుత్వం 2024 మార్చిలో ఆయనను ‘భారతరత్న’ పురస్కారంతో సత్కరించింది. ఆయన త్వరగా కోలుకోవాలని పలువురు ప్రముఖులు ఆకాంక్షిస్తున్నారు.
