Maganoor | మాగనూరు: మాగనూరు మండల కేంద్రంలోని ప్రభుత్వ జూనియర్ కళాశాల (Govt Junior College)లో 2026–27 విద్యా సంవత్సరానికి ఇంటర్మీడియట్ ప్రవేశాలకు చివరి అవకాశం కల్పించారు. ఈ మేరకు కళాశాల ప్రిన్సిపల్ కే శ్రీనివాసులు, జూనియర్ అసిస్టెంట్ బాలరాజ్ ఆర్య గురువారం ఒక ప్రకటనలో తెలిపారు. వివిధ కారణాల వల్ల ఇప్పటివరకు ఇంటర్‌లో ప్రవేశం పొందలేకపోయిన విద్యార్థుల భవిష్యత్తును దృష్టిలో ఉంచుకుని ప్రవేశాల గడువును ఈ నెల 26వ తేదీ (26-09-2026) వరకు పొడిగించినట్లు పేర్కొన్నారు.
మాగనూరు మండల కేంద్రంతో పాటు పరిసర గ్రామాలకు చెందిన విద్యార్థులు (Students) ఈ చివరి అవకాశాన్ని సద్వినియోగం చేసుకుని తమ విద్యను కొనసాగించాలని వారు కోరారు. గడువు ముగిసిన అనంతరం ప్రవేశాలకు అవకాశం ఉండకపోవచ్చని, విద్యార్థులు ఆలస్యం చేయకుండా అవసరమైన పత్రాలతో కళాశాలను సంప్రదించాలని సూచించారు.
