Ranabali movie: విజయ్ దేవరకొండ, రష్మిక మందాన జంటగా నటిస్తున్న భారీ పీరియాడిక్ యాక్షన్ డ్రామా ‘రణబాలి’ సినిమా ట్రైలర్‌పై ఆంధ్రప్రదేశ్ ఐటీ, పంచాయతీ రాజ్ శాఖ మంత్రి నారా లోకేశ్ ప్రశంసల వర్షం కురిపించారు. దీనిపై హీరో విజయ్ దేవరకొండ సోషల్ మీడియా వేదికగా స్పందిస్తూ, ఈ సినిమా ద్వారా రాయలసీమ గడ్డకు తాను రుణం తీర్చుకుంటున్నానని భావోద్వేగంగా వెల్లడించారు.
Read Also : Alias Rukmini movie: నితిన్ కొత్త సినిమాలో..రుక్మిణీగా బాలీవుడ్ నటి?
Lokesh Anna
— Vijay Deverakonda (@TheDeverakonda) October 10, 2026
The land of Seema has given me a lot and this film was due from me. Your message fills us all with excitement.
A great Cinematic experience awaits youa film that will fill us with Pride of our land and our people.
My regards and love to you.
And thank… https://t.co/b4vIEOWOAj
Ranabali movie: రాయలసీమ పోరాట పటిమను ఆవిష్కరించిన ‘రణబాలి’
విజయ్ దేవరకొండ హీరోగా దర్శకుడు రాహుల్ సాంకృత్యాన్ తెరకెక్కించిన ఈ పీరియాడిక్ మూవీ ట్రైలర్ ఇటీవల విడుదలై విశేష ఆదరణ పొందుతోంది. ట్రైలర్‌ను వీక్షించిన మంత్రి లోకేశ్ చిత్ర బృందాన్ని ప్రత్యేకంగా అభినందించారు. రాయలసీమ చారిత్రక పోరాటాన్ని, బ్రిటిష్ పాలకుల అణచివేతకు వ్యతిరేకంగా సాగిన వీరత్వాన్ని సినిమాలో అత్యంత అద్భుతంగా ఆవిష్కరించారని ఆయన కొనియాడారు.
‘లోకేశ్ అన్నా థ్యాంక్స్’
మంత్రి లోకేశ్ చేసిన ప్రశంసలపై విజయ్ దేవరకొండ ఎక్స్ (X) వేదికగా స్పందించారు.
“లోకేశ్ అన్నా.. రాయలసీమ నేల నాకు ఎంతో ఇచ్చింది. ఈ గడ్డకు నేను తిరిగి చెల్లించాల్సిన బాధ్యత, రుణం ఈ సినిమా రూపంలో నెరవేరుతోంది. మీ సందేశం మా చిత్ర యూనిట్‌లో రెట్టింపు ఉత్సాహాన్ని నింపింది. మన నేల గొప్పతనాన్ని, మన ప్రజల ఆత్మగౌరవాన్ని చూసి ప్రతి ఒక్కరి గుండె గర్వంతో ఉప్పొంగేలా ఈ చిత్రం ఉంటుంది. వెండితెరపై ఒక అద్భుతమైన అనుభూతి మీకోసం వేచి చూస్తోంది” అంటూ విజయ్ తన సంతోషాన్ని పంచుకున్నారు. ఈ ప్రతిష్టాత్మక చిత్రంలో రష్మిక మందాన కథానాయికగా నటిస్తుండగా, రాయలసీమ నేపథ్యంతో తెరకెక్కిన ఈ సినిమాపై ఇటు ఇండస్ట్రీలోనూ, అటు ప్రేక్షకుల్లోనూ భారీ అంచనాలు నెలకొన్నాయి.
Read Also hindi news: hindi.vaartha.com
Read Also Epaper : epaper.vaartha.com
Read Also :
