NTR Baby Kit : ఆంధ్రప్రదేశ్ ప్రభుత్వ ఆసుపత్రుల్లో ప్రసవించే తల్లులు మరియు నవజాత శిశువుల ఆరోగ్య సంరక్షణే ధ్యేయంగా కూటమి ప్రభుత్వం కీలక నిర్ణయం తీసుకుంది. గతంలో నిలిచిపోయిన ‘ఎన్టీఆర్ బేబీ కిట్’ పథకాన్ని పునరుద్ధరిస్తూ అధికారికంగా అమల్లోకి తెచ్చింది. ప్రభుత్వ వైద్యశాలల్లో జన్మించే ప్రతీ పసిపాపకు మెరుగైన సంరక్షణ అందించడంతో పాటు, బాలింతలకు అవసరమైన ప్రాథమిక సదుపాయాలను సమకూర్చడం ఈ పథకం ప్రధాన లక్ష్యం. పేద, మధ్యతరగతి కుటుంబాలకు ఆర్థిక భారం తగ్గించి, ఆసుపత్రులలో కాన్పుల సంఖ్యను మరింత పెంచేందుకు ఈ పథకం ఎంతగానో దోహదపడుతుందని అధికారులు పేర్కొంటున్నారు.
Read Also : అమరావతిలో ఎల్వీ ప్రసాద్ ఐ ఇనిస్టిట్యూట్‌కు సీఎం చంద్రబాబు శంకుస్థాపన
రూ.1,400 విలువైన 14 రకాల అత్యవసర వస్తువులు
ఈ పథకం కింద ప్రతి బాలింతకు రూ.1,400 విలువ చేసే 14 రకాల వస్తువులతో కూడిన ఒక సమగ్రమైన కిట్‌ను ఉచితంగా అందజేస్తారు. ఇందులో శిశువు సురక్షిత నిద్ర కోసం దోమల తెరతో కూడిన ప్రత్యేక బేబీ బెడ్, ప్రొటెక్టివ్ రబ్బర్ షీట్, మెత్తని బేబీ డ్రెస్, టవల్, ఉతికి మళ్లీ ఉపయోగించగల (వాషబుల్) 3 బేబీ నేపీలు, ఆకర్షణీయమైన బొమ్మతో పాటు నాణ్యమైన బేబీ పౌడర్, షాంపూ, ఆయిల్, సోప్, సోప్ బాక్స్ మరియు ఇవన్నీ భద్రపరుచుకోవడానికి వీలుగా ఒక బ్యాగ్ ఇస్తారు. పురిటిపాపల పారిశుధ్యం, ఆరోగ్య భద్రతకు అవసరమైన అన్ని రకాల వస్తువులు ఒకే చోట లభించనుండటంపై బాలింతలు హర్షం వ్యక్తం చేస్తున్నారు.
Read Also hindi news: hindi.vaartha.com
Read Also Epaper : epaper.vaartha.com
Read Also :
అమరావతిలో FRRO కార్యాలయం.. విదేశీయుల సేవలకు కీలక ముందడుగు
