AP Liquor Shops Lottery: ఆంధ్రప్రదేశ్‌లో మద్యం దుకాణాల లాటరీ నిర్వహణ షెడ్యూల్‌లో రాష్ట్ర ఎక్సైజ్ శాఖ కీలక మార్పులు చేసింది. తొలుత ప్రకటించిన సెప్టెంబర్ 30వ తేదీకి బదులుగా, లాటరీ ప్రక్రియను అక్టోబర్ 5వ తేదీన నిర్వహించనున్నట్లు అధికారులు అధికారికంగా వెల్లడించారు.
Read Also : AP Baby Kits: మళ్లీ ‘ఎన్టీఆర్ బేబీ కిట్లు’.. ఒక్కో కిట్ విలువ రూ.1,410
AP Liquor Shops Lottery: 400 దుకాణాలకు కొత్తగా దరఖాస్తుల ఆహ్వానం
నవీకరణ (రెన్యువల్) కాని సుమారు 400 మద్యం దుకాణాలకు సంబంధించి కొత్త వ్యాపారుల నుంచి దరఖాస్తులు ఆహ్వానిస్తూ ప్రభుత్వం గెజిట్ నోటిఫికేషన్ విడుదల చేసింది. ఆసక్తి కలిగిన దరఖాస్తు దారులు అక్టోబర్ 1వ తేదీ వరకు తమ అప్లికేషన్లను సమర్పించవచ్చు. అందిన దరఖాస్తులన్నింటినీ పరిశీలించిన అనంతరం అక్టోబర్ 5న లాటరీ పద్ధతి ద్వారా నూతన లైసెన్సుదారులను ఎంపిక చేయనున్నారు.
లాటరీ నిర్వహణకు సంబంధించి అధికారులు ఒక స్పష్టమైన నిబంధనను విధించారు. ప్రతి దుకాణానికి కనీసం 10 దరఖాస్తులు వచ్చినప్పుడు మాత్రమే అక్కడ లాటరీ ప్రక్రియను చేపడతారు. కాగా, బుధవారం సాయంత్రం నాటికి రిటైల్ ఎక్సైజ్ ట్యాక్స్ (ఆర్ఈటీ) రెన్యువల్స్, లైసెన్స్ ఫీజుల రూపంలో ప్రభుత్వ ఖజానాకు రూ. 1,268 కోట్ల భారీ ఆదాయం సమకూరినట్లు ఎక్సైజ్ వర్గాలు తెలిపాయి.
Read Also hindi news: hindi.vaartha.com
Read Also Epaper : epaper.vaartha.com
Read Also :
శ్రీవారి దర్శనానికి భారీ రద్దీ.. సర్వదర్శనానికి 15 గంటల సమయం
