Viral News : తమిళనాడులోని ధర్మపురి జిల్లా మారండహళ్లి సమీపంలోని కుమారచెట్టి గ్రామంలో వింతైన, అత్యంత ప్రమాదకరమైన ఘటన వెలుగు చూసింది. వినోదం కోసం ఇద్దరు యువకులు చేసిన పిచ్చి పని వారి ప్రాణాల మీదికే తెచ్చింది. నీళ్లు లేని చెరువు మధ్యలోకి వాహనం తీసుకెళ్లి మద్యం సేవించడం, ఆపై ముంచెత్తిన వర్షంతో వాహనం నీట మునిగిపోవడం తీవ్ర కలకలం రేపింది. ఈ నెల 20న అర్ధరాత్రి వేళ ఇద్దరు స్నేహితులు తమ మహీంద్రా థార్ వాహనంలో కుమారచెట్టి గ్రామంలోని చెరువు వద్దకు చేరుకున్నారు. ఆ సమయంలో చెరువులో నీటిమట్టం చాలా తక్కువగా ఉండటంతో, విచిత్రమైన ఆలోచనతో వాహనాన్ని ఏకంగా చెరువు మధ్యలోకి తోలుకెళ్లారు. చెరువు లోపల కారును పార్క్ చేసి ఫుల్లుగా మద్యం తాగారు.ఆల్కహాల్ మత్తు ఎక్కువ కావడంతో, బయటకు రావాలనే స్పృహ కూడా లేకుండా ఆ వాహనంలోనే ఇద్దరూ నిద్రపోయారు.
Read Also: UP Rajya Sabha Election 2026:10 రాజ్యసభ స్థానాలకు ఎన్నికలు.. అక్టోబర్ 16న పోలింగ్
Viral News : అర్ధరాత్రి కుండపోత వర్షం – ప్రాణాల భయంతో కేకలు
ఇద్దరు యువకులు నిద్రపోతున్న సమయంలో ఆ ప్రాంతంలో ఒక్కసారిగా భారీ వర్షం ప్రారంభమైంది. దాంతో ఎగువ ప్రాంతాల నుంచి పెద్ద ఎత్తున వరద నీరు వచ్చి చెరువులోకి చేరింది. చెరువులో నీటిమట్టం వేగంగా పెరిగి థార్ వాహనం సగానికి పైగా మునిగిపోయింది.వాహనంలోకి నీరు చేరడంతో యువకులకు మత్తు వదిలి మెలకువ వచ్చింది. కారులోంచి బయటకు రావడం సాధ్యం కాకపోవడంతో భయపడిపోయిన యువకులు వాహనం పైకప్పు (టాప్) పైకి ఎక్కి కాపాడాలంటూ గట్టిగా అరిచారు. యువకుల ఆర్తనాదాలు విన్న కుమారచెట్టి గ్రామస్తులు అర్ధరాత్రి వేళ వెంటనే చెరువు వద్దకు చేరుకున్నారు. పరిస్థితి తీవ్రతను అర్థం చేసుకుని, సమయస్ఫూర్తితో ఒక పొక్లెయిన్ (జేసీబీ) యంత్రాన్ని ఘటనా స్థలానికి రప్పించారు. తాడు సహాయంతో థార్ వాహనాన్ని, యువకులను సురక్షితంగా ఒడ్డుకు లాగారు. ఈ ప్రమాదం నుంచి యువకులు సురక్షితంగా బయటపడటంతో గ్రామస్తులు, అధికారులు ఊపిరి పీల్చుకున్నారు. ఈ రెస్క్యూ ఆపరేషన్ కు సంబంధించిన వీడియోలు ప్రస్తుతం సోషల్ మీడియాలో విపరీతంగా వైరల్ అవుతున్నాయి.
Read Also hindi news: hindi.vaartha.com
Read Also Epaper : epaper.vaartha.com
Read Also :
కర్ణాటకలో ‘వందేమాతరం’ వివాదం..డీకే శివకుమార్ ప్రభుత్వానికి గవర్నర్ హెచ్చరిక
