Railway Ticket Booking: భారతీయ రైల్వేలో UPI ద్వారా రైలు టికెట్లు బుక్ చేసే వారికి కొత్త మార్పు రానుంది. 2026 అక్టోబర్ 15 నుంచి రూ.2,000 కంటే ఎక్కువ విలువైన రైల్వే టికెట్ చెల్లింపులకు ప్రత్యేకమైన రూ.5 ఫ్లాట్ Merchant Discount Rate (MDR) వర్తించనుంది. సాధారణంగా రూ.2,000కు పైబడిన కొన్ని UPI వ్యాపారి లావాదేవీలకు 0.4 శాతం MDR నిర్ణయించినప్పటికీ.. రైల్వే టికెట్లకు మాత్రం రూ.5 ఫ్లాట్ రుసుము వర్తిస్తుంది.
రూ.3,000 టికెట్‌కు ప్రయాణికుడు రూ.5 అదనంగా చెల్లించాలా?
లేదు. ఈ ఛార్జీని ప్రయాణికుడి నుంచి వసూలు చేయకూడదు. UPI ద్వారా రూ.3,000 విలువైన రైలు టికెట్ బుక్ చేసినా.. టికెట్ ధరకు అదనంగా రూ.5 చెల్లించాల్సిన అవసరం ఉండదు. రైల్వే వంటి ప్రత్యేక కేటగిరీల్లో వర్తించే MDRను వ్యాపారి లేదా సంబంధిత సేవా సంస్థ భరించాల్సి ఉంటుంది.
అక్టోబర్ 15 నుంచి కొత్త విధానం
NPCI ప్రకటించిన కొత్త MDR విధానం ప్రకారం రూ.2,000 కంటే ఎక్కువ విలువైన కొన్ని Person-to-Merchant (P2M) UPI చెల్లింపులకు 0.4 శాతం MDR వర్తిస్తుంది. అయితే రైల్వే టికెట్లు, ఇంధనం, ఇన్సూరెన్స్, కొన్ని యుటిలిటీ చెల్లింపులు, ప్రభుత్వ సేవలకు ప్రత్యేకంగా రూ.5 ఫ్లాట్ ఛార్జీ విధానం ఉంటుంది.
Railway Ticket Booking: ప్రయాణికులపై ప్రభావం ఉండదు
ఈ మార్పు ప్రధానంగా UPI చెల్లింపులను స్వీకరించే వ్యాపారులు, సేవా సంస్థలకు సంబంధించినది. బ్యాంకులు వ్యాపారులు MDR భారాన్ని వినియోగదారులకు బదిలీ చేయకుండా చూడాలని ఆదేశాలు ఉన్నాయి. అలాగే UPI యాప్ ప్రొవైడర్లు అదనపు ప్లాట్‌ఫామ్ ఫీజులు లేదా దాచిన ఛార్జీలు విధించకూడదని ప్రభుత్వం స్పష్టం చేసింది. ఈ కొత్త MDR విధానం వ్యక్తి నుంచి వ్యక్తికి చేసే UPI చెల్లింపులకు వర్తించదు. స్నేహితులు, కుటుంబ సభ్యులకు చేసే P2P బదిలీలు ఉచితంగానే కొనసాగుతాయి. అలాగే రూ.2,000 వరకు చేసే సాధారణ P2M UPI చెల్లింపులు MDR పరిధిలోకి రావు.
Read Also hindi news: hindi.vaartha.com
Read Also Epaper : epaper.vaartha.com
Read Also :
ఢిల్లీలోని LSR కళాశాల సమీపంలో అత్యాచార ఘటనపై విద్యార్థుల ఆందోళన
