- పీఎం కిసాన్ డబ్బుల కోసం ఎదురుచూస్తున్నారా?
- రైతులకు దీపావళి గిఫ్ట్? రూ.2,000 ఎప్పుడంటే!
- పీఎం కిసాన్ 24వ విడత డబ్బులు ఈ నెలలోనే వస్తాయా?
PM Kisan 24th Installment : రైతులకు బిగ్ అలర్ట్.. దేశవ్యాప్తంగా పీఎం కిసాన్ సమ్మాన్ నిధి స్కీమ్ లబ్ధిదారులు 24వ విడత డబ్బుల కోసం ఆశగా ఎదురుచూస్తున్నారు. ఇప్పటికే 23వ విడత అందుకున్న రైతులు.. తదుపరి విడత ఎప్పుడు బ్యాంకు ఖాతాల్లో జమ అవుతుందా? అని చూస్తున్నారు. ఈ నేపథ్యంలో అక్టోబర్‌లోనే రూ. 2వేలు విడుదల అవకాశం ఉందన్న వార్తల నేపథ్యంలో రైతుల్లో ఆశలు పెంచుతున్నాయి. అయితే, ప్రభుత్వం నుంచి అధికారిక ప్రకటన వచ్చే వరకు కచ్చితమైన తేదీపై స్పష్టత లేదనే విషయాన్ని గుర్తుంచుకోవాలి.
పీఎం కిసాన్ 24వ విడత ఎప్పుడంటే? :
పీఎం కిసాన్ పథకం కింద అర్హులైన రైతు కుటుంబాలకు ఏడాదికి రూ.6వేలు ఆర్థిక సాయం అందుతుంది. ఈ మొత్తాన్ని 3 విడతలుగా, ఒక్కో విడతకు రూ.2వేలు చొప్పున నేరుగా బ్యాంకు ఖాతాల్లో జమ చేస్తారు. సాధారణంగా 4 నెలల వ్యవధిలో విడతలు విడుదల కానున్నాయి.
24వ విడత డబ్బులు అక్టోబర్‌లో విడుదల కావచ్చని వ్యవసాయ శాఖకు చెందిన అధికారి నీలేష్ చౌరాసియా సూచించారు. దీపావళి నేపథ్యంలో రైతులకు ముందుగానే ఈ సాయం అందే అవకాశం ఉందనే అంచనాలు వినిపిస్తున్నాయి. అయితే, 24వ విడత విడుదల తేదీని కేంద్ర ప్రభుత్వం అధికారికంగా ప్రకటించలేదు. సోషల్ మీడియాలో వచ్చే తేదీలను గుడ్డిగా నమ్మకుండా అధికారిక సమాచారాన్ని మాత్రమే ఫాలో అవ్వండి.
మీ పీఎం కిసాన్ డబ్బులు వచ్చాయో లేదో ఇలా చెక్ చేయండి
మీ పేమెంట్ వివరాలను తెలుసుకునేందుకు ఈ విధానాన్ని ఫాలో అవ్వండి.
- ముందుగా (pmkisan.gov.in) అధికారిక వెబ్‌సైట్‌ను ఓపెన్ చేయండి.
- హోమ్‌పేజీలో ‘Know Your Status’ ఆప్షన్‌ను ఎంచుకోండి.
- మీ రిజిస్ట్రేషన్ నంబర్‌ను ఎంటర్ చేయండి.
- స్క్రీన్‌పై కనిపించే క్యాప్చాను పూర్తి చేయండి.
- ‘Get OTP’పై క్లిక్ చేసి వచ్చిన ఓటీపీతో వెరిఫై చేయండి.
- మీ పేమెంట్ స్టేటస్, రిజిస్ట్రేషన్ వివరాలను చెక్ చేయండి.
- డబ్బులు క్రెడిట్ కాకపోతే ఈ విషయాలు తప్పక చూడండి
మీ ఖాతాలో 24వ విడత జమ కాకపోతే ఏం చేయాలంటే?
ఈ-కేవైసీ : ప్రాసెస్ పూర్తయిందో లేదో చెక్ చేయండి.
భూమి వివరాలు : భూమి రికార్డుల వెరిఫికేషన్ పూర్తై ఉండాలి
ఆధార్ లింకింగ్ : బ్యాంకు ఖాతాకు ఆధార్ లింక్ చేయడం తప్పనిసరి
రిజిస్ట్రేషన్ : మీ వివరాల్లో తప్పులు ఉన్నాయేమో చెక్ చేసి సరి చేయండి
ఏవైనా సమస్యలు ఉంటే సంబంధిత అధికారిక సేవల ద్వారా పరిష్కరించుకోండి. ముఖ్యంగా, 24వ విడత డబ్బుల విడుదల తేదీపై అధికారిక ప్రకటన వచ్చే వరకు వేచి ఉండండి.
