KTPP | జయశంకర్ భూపాలపల్లి జిల్లాలోని కేటీపీపీ ఆవరణలో ఉద్రిక్తత వాతావరణం నెలకొంది. కేటీపీపి సందర్శనకు వచ్చిన జనగామ ఎమ్మెల్యే ప‌ళ్లా రాజేశ్వర్ రెడ్డి, మాజీ మంత్రులు ఎర్రబెల్లి దయాకర్ రావు, సత్యవతి రాథోడ్, తాటికొండ రాజయ్య, మాజీ ఎమ్మెల్యేలు గండ్ర వెంకటరమణారెడ్డి, అరూరి రమేష్, శంకర్ నాయక్, ములుగు నియోజకవర్గ ఇంచార్జీ బడే నాగజ్యోతితో పాటు బిఆర్ఎస్ రాష్ట్ర బృందాన్ని కేటిపిపి లోపలికి వెళ్లకుండా పోలీసులు బారికేడులు పెట్టీ అడ్డుకున్నారు.
దీంతో పోలీసులకు, బీఆర్ఎస్ శ్రేణులకు మధ్య తోపులాట జరిగింది. ప్రభుత్వ వ్యతిరేక విధానాలను, పోలీసుల జనులను నిరసిస్తూ కేటీపీపి ముందు బీఆర్ఎస్ శ్రేణులను ధర్నా నిర్వహించారు. అనంతరం సొంత పూచికత్తుపై బీఆర్ఎస్ ప్రజాప్రతినిధులను, మాజీ మంత్రులు, మాజీ ఎమ్మెల్యేలను ప్లాంట్ లోపలికి పంపించారు.
