President Murmu : ఆసియా క్రీడల (Asian Games) లో కాంస్య పతకం (Bronze Medal) గెలిచిన భారత పురుషుల బ్యాడ్మింటన్ జట్టు (Mens Badminton Team) కు రాష్ట్రపతి ద్రౌపది ముర్ము (President Droupadi Murmu) అభినందనలు తెలియ‌జేశారు. ఈ విజయం జట్టు దృఢ సంకల్పానికి నిద‌ర్శ‌న‌మ‌ని అన్నారు. ఈ విజయం జట్టు పట్టుదల, పోరాట పటిమను ప్రతిబింబిస్తుందని పేర్కొన్నారు. జపాన్‌ (Japan) లోని ఐచిలో బుధవారం జరిగిన సెమీ-ఫైనల్ మ్యాచ్‌ (Semifinal Match) లో చైనా (China) చేతిలో 3-1 తేడాతో ఓటమి చవిచూసినప్పటికీ, భారత పురుషుల బ్యాడ్మింటన్ జట్టు కాంస్య పతకాన్ని కైవసం చేసుకుంది.
ఈ క్ర‌మంలో రాష్ట్రపతి ద్రౌపది ముర్ము పురుషుల బ్యాడ్మింటన్ జట్టుకు అభినందనలు తెలియ‌జేశారు. ఆమె ‘X’ వేదికగా స్పందిస్తూ.. ‘ఆసియా క్రీడలలో కాంస్య పతకం సాధించిన భారత పురుషుల బ్యాడ్మింటన్ జట్టుకు హృదయపూర్వక అభినందనలు. ఈ అద్భుతమైన విజయం జట్టు దృఢ సంకల్పం, పట్టుదల, పోరాట పటిమను ప్రతిబింబిస్తుంది. ఈ గర్వించదగ్గ విజయంలో ప్రతి సభ్యుడు విలువైన కృషిచేశారు. భవిష్యత్తులో జట్టు మ‌రిన్ని విజ‌యాలు సాధించాల‌ని ఆకాంక్షిస్తూ శుభాకాంక్షలు తెలియ‌జేస్తున్నా’ అని పేర్కొన్నారు.
