- రూ. 60 లక్షలకు పైగా నష్టం
భద్రాద్రికొత్తగూడెం/దమ్మపేట, వెలుగు: టోర్నడో మాదిరిగా బలమైన గాలులు భద్రాద్రికొత్తగూడెం జిల్లాలో బీభత్సం సృష్టించాయి. బలమైన గాలులతో దమ్మపేట మండలంలో వందలాది ఆయిల్పాం, మామిడి చెట్లు కూకటి వేళ్లతో నేలకొరిగాయి.
పంటలు దెబ్బతిన్నాయి. రూ. 60 లక్షలకు పైగా నష్టం వాటిల్లింది. దమ్మపేట మండలం జగ్గారం గ్రామపంచాయతీ పరిధిలోని గుర్వాయిగూడెం గ్రామంలో బుధవారం రాత్రి గాలులతో ఆయిల్పాం, మామిడి తోటలకు తీవ్ర నష్టం వాటిల్లింది.
గురువారం తోటలకు వెళ్లిన రైతులకు నేలకొరిగిన వందలాది ఆయిల్పాం, మామిడి చెట్లు కనిపించాయి. నాలుగేండ్ల నుంచి ఆయిల్పాం గెలలతో ఆదాయం వస్తోందని ఈక్రమంలో బలమైన గాలులు తమను దెబ్బతీశాయని రైతులు వాపోయారు. రెండెకరాల్లో ఆయిల్పాం, 9 ఎకరాల్లో మామిడి, జీడిమామిడి తోటలకు నష్టం వాటిల్లింది. మూడెకరాల్లో పత్తి చేను దెబ్బతిన్నది.
