Bigg Boss Telugu 10: బిగ్ బాస్ తెలుగు సీజన్ 10 లో ఐదో వారం ఆట అత్యంత రసవత్తరంగా సాగుతోంది. రోజురోజుకూ కొత్త మలుపులు తిరుగుతున్న షోలో కంటెస్టెంట్ల మధ్య వాగ్వాదాలు, నామినేషన్ల ప్రక్రియతో హౌస్‌లో వాతావరణం వేడెక్కింది. ముఖ్యంగా ఈ వారం ఎలిమినేషన్‌పై టెలివిజన్ ప్రేక్షకుల్లో, సోషల్ మీడియాలో భారీగా ఆసక్తి పెరిగింది. ఈ నేపథ్యంలో వైల్డ్ కార్డ్ కంటెస్టెంట్‌గా హౌస్‌లోకి అడుగుపెట్టిన అపూర్వ ప్రయాణం ఈ వారంతోనే ముగియనుందా? అనే చర్చ ఇప్పుడు హాట్ టాపిక్‌గా మారింది.
Read Also : Sushmita Konidela: విజయవాడ కనకదుర్గమ్మను దర్శించుకున్న సుస్మిత కొణిదెల
Bigg Boss Telugu 10: నామినేషన్లలో అపూర్వ జోరు – త్రిగుణ్, ముకేష్ గౌడలతో విభేదాలు
ఐదో వారం నామినేషన్ల ప్రక్రియలో అపూర్వ పేరు ప్రముఖంగా వినిపించింది. తోటి కంటెస్టెంట్లయిన ముకేష్ గౌడ, త్రిగుణ్ తదితరులతో ఆమెకు ఎదురైన విభేదాలు నామినేషన్‌ను మరింత రంజుగా మార్చాయి. ముఖ్యంగా కెప్టెన్సీ టాస్క్ సమయంలో ఆమె ప్రవర్తనపై తోటి హౌస్‌మేట్స్ చేసిన విమర్శలకు అపూర్వ గట్టిగానే కౌంటర్లు ఇచ్చింది. ఇటు హౌస్‌లో సవాళ్లు ఎదుర్కొంటున్న అపూర్వకు, అటు ప్రేక్షకుల ఓట్లు అత్యంత కీలకంటా మారాయి.
డేంజర్ జోన్‌లో అపూర్వ, ఝాన్సీ?
తాజా సమాచారం ప్రకారం, ఈ వారం నామినేషన్‌లో ఉన్న అపూర్వతో పాటు ఝాన్సీ కూడా డేంజర్ జోన్‌లో ఉన్నట్లు సోషల్ మీడియాలో జోరుగా ప్రచారం జరుగుతోంది. ఓటింగ్ అంచనాలు ఎప్పటికప్పుడు మారుతున్నప్పటికీ, అపూర్వకు తక్కువ ఓట్లు పడినట్లు మరియు ఆమె దాదాపుగా ఎలిమినేట్ అయినట్లు నెట్టింట వార్తలు చక్కర్లు కొడుతున్నాయి. అయితే డబుల్ ఎలిమినేషన్ ఉంటుందనే ప్రచారంపై బిగ్ బాస్ నిర్వాహకుల నుంచి అధికారిక ప్రకటన వెలువడాల్సి ఉంది. చివరి నిమిషంలో ఓటింగ్ ట్రెండ్ మారుతుందా లేక అపూర్వ నిజంగానే హౌస్‌ను వీడనుందా అనేది వీకెండ్ ఎపిసోడ్‌లో తేలనుంది.
Read Also hindi news: hindi.vaartha.com
Read Also Epaper : epaper.vaartha.com
Read Also :
