Indigo Flight | అహ్మదాబాద్ నుంచి హైదరాబాద్‌కు వచ్చిన ఇండిగో విమానానికి బాంబు బెదిరింపు కలకలం రేపింది. హైదరాబాద్‌లోని శంషాబాద్ విమానాశ్రయంలో ల్యాండ్ అయిన విమానంలో బాంబు ఉందని సమాచారం రావడంతో అప్రమత్తమయ్యారు. కాగా, విమానంలో హైదరాబాద్‌కు చెందిన 47 మంది విద్యార్థులు ఉన్నట్లు తెలుస్తోంది.
వివరాల ప్రకారం.. అహ్మదాబాద్ నుంచి వచ్చిన విమానంలో బాంబు ఉందని ఓ విద్యార్థి అధికారులకు సమాచారం అందించాడు. దీంతో అప్రమత్తమైన భద్రతా సిబ్బంది విమానం ల్యాండ్ అయిన వెంటనే సాధారణ పార్కింగ్ ప్రాంతం నుంచి వేరుగా ఐసోలేషన్ బేకు తరలించారు. బాంబు స్క్వాడ్, డాగ్ స్క్వాడ్ బృందాలు తనిఖీలు చేపట్టాయి. ఈ ఘటనకు సంబంధించిన పూర్తి వివరాలు తెలియాల్సి ఉంది. తనిఖీల్లో ఏమైనా అనుమానాస్పద వస్తువులు గుర్తించారా? బాంబు బెదిరింపునకు సంబంధించి అధికారులు ఎలాంటి నిర్ధారణకు వచ్చారు? అనే వివరాలపై స్పష్టత రావాల్సి ఉంది.
