గోల్డ్ మెడల్స్ సాధించిన మేఘన కాంతిప్రియకు సన్మానం

బూర్గంపహాడ్, అక్టోబర్ 10 : సారపాకకు చెందిన సనాతన హిందూ ధర్మ గో సామాజిక సేవకులు తాతిరెడ్డి గోవిందరెడ్డి, ధనలక్ష్మిల కుమార్తె మేఘన కాంతిప్రియ ఇటీవల హైదరాబాద్ సెంట్రల్ యూనివర్సిటీలో పీజీ టాపర్‌గా నిలిచి పలు పరిశోధనల్లో నాలుగు గోల్డ్ మెడల్స్ సాధించింది. ఈ సందర్భంగా సారపాక సాకేతపురి శ్రీ దాసాంజనేయస్వామి ఆలయం వద్ద కమిటీ నిర్వాహకులు ఏనుగుల వెంకటరెడ్డి, వారాల కనకారావు, సోము రోశిరెడ్డి, కామేశ్వరరావు మేఘన కాంతిప్రియ, తల్లిదండ్రులు గోవిందరెడ్డి, ధనలక్ష్మిలకు శాలువాలు కప్పి ఘనంగా సత్కరించారు. విద్యలో ఇంతటి స్థాయిలో గోల్డ్ మెడ‌ల్స్ సాధించడం పట్ల అభినందనలు వ్యక్తం చేస్తూ సమాజంలో మంచి పేరు తెచ్చుకుని మరింత స్థాయికి ఎదగాలని ఆకాంక్షించారు. మేఘన కాంతిప్రియ తండ్రి గోవిందరెడ్డి సైతం సామాజిక కార్యక్రమాలు చేపట్టడంతో పాటు గోసేవ చేయడం అభినందనీయమన్నారు. ఈ కార్యక్రమంలో పుర ప్రముఖులు, కమిటీ సభ్యులు పాల్గొన్నారు.