భారత క్రికెట్ జట్టు ప్రధాన కోచ్ గౌతమ్ గంభీర్ హెడ్ కోచ్ పదవికి రాజీనామా చేస్తున్నాడా..? అంటే అవుననే సమాధానం వినపడుతోంది. “గంభీర్‌కు రాజ్యసభ సీటు ఇస్తామని, అందుకోసం ఆయనను హెడ్ కోచ్ పదవికి రాజీనామా చేయమన్నారనే” టాక్ పొలిటికల్, క్రికెట్ సర్కిల్స్‌లో హాట్ టాపిక్‌గా మారింది. గతంలో ఆయన బీజేపీ ఎంపీగా పనిచేసి, రాజకీయాలకు దూరం జరిగి క్రికెట్ కోచింగ్ వైపు వచ్చిన సంగతి తెలిసిందే. అయితే, ప్రస్తుతం ఆయనను మళ్లీ పార్లమెంట్‌కు పంపి, కోచ్ బాధ్యతల నుంచి తప్పిస్తారంటూ వస్తున్న వార్తలు ఇరు రంగాల్లోనూ పెద్ద దుమారాన్నే రేపుతున్నాయి.
వాస్తవానికి, గౌతమ్ గంభీర్ తన హెడ్ కోచ్ పదవికి రాజీనామా చేస్తున్నట్లు కానీ, ఆయనకు రాజ్యసభ సీటు ఆఫర్ వచ్చినట్లు కానీ ఎలాంటి అధికారిక ప్రకటన లేదు. ఈ తరహా పుకార్లు అంత ఈజీగా ప్రచారంలోకి రావడానికి కొన్ని బలమైన కారణాలు కూడా ఉన్నాయి. గంభీర్ ఆధ్వర్యంలో టీం ఇండియా వైట్-బాల్ క్రికెట్‌లో మంచి విజయాలు సాధించినప్పటికీ, హోమ్ గ్రౌండ్‌లో జరిగిన కొన్ని టెస్ట్ సిరీస్‌లలో జట్టు ఘోర పరాజయాలను చవిచూడాల్సి వచ్చింది. ఈ క్రమంలో సీనియర్ ఆటగాళ్లతో గంభీర్ కోచింగ్ శైలిపై భేదాభిప్రాయాలు ఉన్నాయనే వార్తలు కూడా గుసగుసలుగా వినిపించాయి.
దీనికి తోడు, ఇటీవల గంభీర్ పర్సనల్ సపోర్ట్ స్టాఫ్ అయిన అసిస్టెంట్ కోచ్ ర్యాన్ టెన్ డోషేట్ తన పదవికి రాజీనామా చేయడం కూడా ఈ ఊహాగానాలకు మరింత బలాన్ని చేకూర్చింది. బీసీసీఐ నిబంధనల ప్రకారం.. గంభీర్ కోచింగ్ కాంట్రాక్ట్ డిసెంబర్ 31, 2027 వరకు, అంటే వన్డే వరల్డ్ కప్ ముగిసేంత వరకు అమలులో ఉంటుంది. ప్రస్తుతానికి బీసీసీఐ కానీ, గంభీర్ కానీ ఎలాంటి తొందరపాటు నిర్ణయాలు తీసుకునే ఆలోచనలో లేరని కొందరు అంటున్నారు. భీర్ కూడా మీడియా సమావేశాలలో స్పందిస్తూ.. తన భవిష్యత్తు మరియు పదవికి సంబంధించిన ఏ నిర్ణయమైనా పూర్తిగా బీసీసీఐ పరిధిలోనే ఉంటుందని, దేశానికి ఐసీసీ ట్రోఫీలు అందించడమే తన ఏకైక లక్ష్యమని గతంలోనే స్పష్టం చేసిన సంగతి తెలిసిందే.
The post గౌతమ్ గంభీర్‌కు రాజ్యసభ సీటు ఆఫర్..? హెడ్ కోచ్ పదవికి రాజీనామా..! appeared first on Telugu Rajyam.
