AP Municipal Elections : ఆంధ్రప్రదేశ్ మున్సిపల్ ఎన్నికల నామినేషన్ల ప్రక్రియలో తలెత్తిన ఉద్రిక్తతలపై వైఎస్సార్‌సీపీ అధినేత, మాజీ సీఎం వైఎస్ జగన్ మోహన్ రెడ్డి తీవ్రస్థాయిలో విరుచుకుపడ్డారు. ముఖ్యమంత్రి చంద్రబాబు నాయుడికి నిజంగానే ప్రజల మద్దతు ఉంటే, వైఎస్సార్‌సీపీ అభ్యర్థులను నామినేషన్లు వేయనీయకుండా ఎందుకు అడ్డుకుంటున్నారని ప్రశ్నించారు. రాష్ట్రంలో పక్షపాత ధోరణితో వ్యవహరిస్తున్న పోలీసులు అధికార టీడీపీ నాయకులకు పూర్తిస్థాయిలో సహకరిస్తున్నారని, మరోవైపు అధికారులు కూడా తమ పార్టీ అభ్యర్థుల నుంచి నామినేషన్ పత్రాలను స్వీకరించడం లేదని ఆరోపించారు. చంద్రబాబుకు ఎన్నికలను సజావుగా, ప్రశాంత వాతావరణంలో జరిపించే ధైర్యం లేదని తీవ్రంగా విమర్శించారు.
Read Also : విజయ్ లేడీ ఫ్యాన్ బంపరాఫర్..ఏంటో తెలుసా ?
‘అధర్మ చరిత్ర.. రక్త చరిత్ర’: వైఎస్ జగన్ తీవ్ర ఆరోపణలు!
సీఎం చంద్రబాబుపై పదునైన వ్యాఖ్యలతో విరుచుకుపడిన జగన్.. “వెన్నుపోటు పార్టీ నాయకుడు, గొడ్డళ్లను సప్లై చేసే నాయకుడు రాష్ట్రంలో అధర్మ చరిత్రను, రక్త చరిత్రను రాస్తున్నాడు. ప్రజాస్వామ్యంలో ఇది ధర్మమేనా, న్యాయమేనా?” అని నిలదీశారు. నామినేషన్ల ఘట్టం ప్రారంభమైనప్పటి నుంచి రాష్ట్రంలోని వివిధ ప్రాంతాల్లో అక్రమాలు, దాడులు జరుగుతున్నాయని, వైఎస్సార్‌సీపీ అభ్యర్థులకు రక్షణ లేకుండా పోయిందని మండిపడ్డారు. పోటీ చేసే హక్కును కూడా కాలరాస్తూ అధికార దుర్వినియోగానికి పాల్పడుతున్నారని, దీనిపై తాము ప్రజాక్షేత్రంలోనూ, న్యాయస్థానంలోనూ పోరాటం కొనసాగిస్తామని వైఎస్ జగన్ స్పష్టం చేశారు.
Read Also hindi news: hindi.vaartha.com
Read Also Epaper : epaper.vaartha.com
Read Also :
