గోపాల్ పేట : వనపర్తి జిల్లా గోపాల్‌పేట మండలంలో ని బుద్దారం లో రిజర్వాయర్ కోసం భూములు కోల్పోనున్న భూనిర్వాసిత రైతులకు ప్రభుత్వం న్యాయమైన పరిహారం ఇవ్వాలని చేపట్టిన నిరాహార దీక్షలు శనివారం నాలుగో రోజుకు చేరుకున్నాయి. ఈ సందర్భంగా రైతులు చేస్తున్న దీక్షకు మాజీ మంత్రి నిరంజన్ రెడ్డి( Niranjan Reddy ) సంఘీభావం తెలిపారు.
ఆయన మాట్లాడుతూ బుద్దారం భూ నిర్వాసిత రైతులకు ఎకరాకు రూ. 25 లక్షల పరిహారం ( Compensation ) ఇవ్వాలని డిమాండ్‌ చేశారు . కాంగ్రెస్ నాయకులు ఇచ్చిన మాటకు కట్టుబడి ఉండాలని సూచించారు. కొడంగల్ నిర్వాసితులకు ఒక న్యాయం వనపర్తి నిర్వాసితులకు మరో న్యాయమా? అంటూ ప్రశ్నించారు. బాధిత రైతులకు బీఆర్‌ఎస్‌ అండగా ఉంటుందని, రైతుల పక్షాన పోరాటం చేస్తామని ప్రకటించారు.
