Spirit Locked for Diwali 2027 | పాన్ ఇండియా రెబల్ స్టార్ ప్రభాస్ హీరోగా, టాలెంటెడ్ డైరెక్టర్ సందీప్ రెడ్డి వంగా దర్శకత్వంలో తెరకెక్కుతున్న మోస్ట్ అంటెసిపేటెడ్ పాన్ ఇండియా మూవీ ‘స్పిరిట్’ (Spirit). ఈ సినిమాకు సంబంధించి మేకర్స్ తాజాగా విడుదల చేసిన కొత్త పోస్టర్ మరియు అప్‌డేట్ సోషల్ మీడియాలో ప్రకంపనలు సృష్టిస్తోంది. ఈ చిత్రంలో ప్రభాస్ ఎప్పుడూ చూడని విధంగా ఓ పవర్‌ఫుల్ రోల్‌లో కనిపించనున్నారు. తాజాగా విడుదలైన పోస్టర్‌లో ప్రభాస్ బ్లాక్ క్యాప్, స్టైలిష్ గాగుల్స్‌తో అత్యంత రగ్డ్ అండ్ ఇంటెన్స్ లుక్‌లో కనిపిస్తూ అభిమానులను విపరీతంగా ఆకట్టుకుంటున్నారు.
దర్శకుడు సందీప్ రెడ్డి వంగా తనదైన మార్క్ యాక్షన్ అండ్ మాస్ ఎలిమెంట్స్‌తో ఈ సినిమాను తెరకెక్కిస్తుండగా, ఈ మూవీపై ఇప్పటికే సినిమా సర్కిల్స్‌లో విపరీతమైన అంచనాలు నెలకొన్నాయి. తాజాగా చిత్రబృందం ఈ సినిమా విడుదల తేదీని కూడా అధికారికంగా ప్రకటించి అభిమానులకు మెగా ట్రీట్ అందించింది. ఈ భారీ యాక్షన్ డ్రామాను 2027 దీపావళి కానుకగా అక్టోబర్ 29న ప్రపంచవ్యాప్తంగా థియేటర్లలో విడుదల చేయబోతున్నట్లు మేకర్స్ స్పష్టం చేశారు.
ఈ చిత్రంలో ప్రభాస్ సరసన టాలెంటెడ్ బ్యూటీ త్రిప్తి డిమ్రి హీరోయిన్‌గా నటిస్తుండగా, వివేక్ ఒబెరాయ్ వంటి ప్రముఖ తారాగణం కీలక పాత్రల్లో అలరించనున్నారు. ప్రముఖ నిర్మాణ సంస్థలు టీ-సిరీస్ మరియు భద్రకాళి పిక్చర్స్ సంయుక్తంగా అత్యంత భారీ బడ్జెట్‌తో ఈ చిత్రాన్ని నిర్మిస్తున్నాయి. ‘యానిమల్’ వంటి బ్లాక్‌బస్టర్ తర్వాత సందీప్ రెడ్డి వంగా నుంచి వస్తున్న సినిమా కావడంతో ‘స్పిరిట్’పై అంచనాలు తారాస్థాయికి చేరాయి. సరికొత్త యాక్షన్ ప్యాక్డ్ కథాంశంతో వస్తున్న ఈ సినిమా బాక్సాఫీస్ వద్ద సరికొత్త రికార్డులు సృష్టించడం ఖాయమని అభిమానులు ధీమా వ్యక్తం చేస్తున్నారు.
