బుధవారం (సెప్టెంబర్ 30) దక్షిణ భారత నగరాల్లో వాతావరణ పరిస్థితుల్లో మార్పులు కనిపించే అవకాశం ఉంది. భారత వాతావరణ శాఖ (IMD) అంచనాల ప్రకారం అమరావతి, బెంగళూరు, చెన్నై, హైదరాబాద్, తిరువనంతపురం నగరాల్లో మేఘావృత వాతావరణంతో పాటు కొన్ని ప్రాంతాల్లో వర్షాలు, ఉరుములు, మెరుపులు నమోదయ్యే అవకాశం ఉంది.
బంగాళాఖాతంలో ఏర్పడిన ఆవర్తనం, ఉత్తర-దక్షిణ ద్రోణి ప్రభావంతో దక్షిణాది రాష్ట్రాలు చల్లబడ్డాయి. రాబోయే రెండు రోజులు పలు ప్రాంతాల్లో వర్షాలు కురిసే అవకాశముందని భారత వాతావరణ కేంద్రం వెల్లడించింది. ముఖ్యంగా తెలంగాణ రాష్ట్రంలోని పలు జిల్లాల్లో ఉరుములు, మెరుపులతో కూడిన తేలికపాటి నుంచి మోస్తరు వర్షాలు పడతాయని అధికారులు స్పష్టం చేశారు. కొన్ని చోట్ల గంటకు 30 నుంచి 40 కిలోమీటర్ల వేగంతో ఈదురుగాలులు వీచే సూచనలు ఉండటంతో ప్రజలు అప్రమత్తంగా ఉండాలని సూచించారు.
వర్ష సూచన.. దక్షిణాది నగరాల్లో ఎలా ఉందంటే?
బుధవారం దక్షిణ భారతంలోని పలు ప్రధాన నగరాల్లో వాతావరణం మారే అవకాశం ఉంది. భారత వాతావరణ శాఖ అంచనాల ప్రకారం అమరావతి, బెంగళూరు, చెన్నై, హైదరాబాద్, తిరువనంతపురంలో మేఘావృత పరిస్థితులతో పాటు తేలికపాటి నుంచి మోస్తరు వర్షాలు, ఉరుములతో కూడిన జల్లులు కురిసే అవకాశం ఉంది.
హైదరాబాద్:
హైదరాబాద్‌లో పాక్షికంగా మేఘావృత వాతావరణం ఉండనుంది. ఉరుములు, మెరుపులు సంభవించే అవకాశం ఉంది. ఉష్ణోగ్రత కనిష్టంగా 23, గరిష్ఠంగా 34 డిగ్రీల వరకు ఉండొచ్చని అంచనా. ప్రత్యేక హెచ్చరిక లేదు.
అమరావతి:
అమరావతిలో సాధారణంగా మేఘావృత వాతావరణం ఉండటంతో పాటు తేలికపాటి వర్షాలు కురిసే అవకాశం ఉంది. ఉష్ణోగ్రత కనిష్టంగా 27 డిగ్రీలు, గరిష్ఠంగా 37 డిగ్రీల వరకు నమోదయ్యే అవకాశం ఉంది. బలమైన ఉపరితల గాలుల నేపథ్యంలో ప్రజలు అప్రమత్తంగా ఉండాలని సూచనలు ఉన్నాయి.
బెంగళూరు:
బెంగళూరులో ఆకాశం సాధారణంగా మేఘావృతంగా ఉండే అవకాశం ఉంది. తేలికపాటి వర్షం పడొచ్చు. కనిష్ట ఉష్ణోగ్రత 21 డిగ్రీలు, గరిష్ఠంగా 31 డిగ్రీల వరకు ఉండే అవకాశం ఉంది. ప్రస్తుతం ప్రత్యేక హెచ్చరిక జారీ కాలేదు.
చెన్నై:
చెన్నైలో పాక్షికంగా మేఘావృత వాతావరణంతో పాటు మోస్తరు వర్షాలు, ఉరుములతో కూడిన జల్లులు పడే అవకాశం ఉంది. మెరుపులతో కూడిన ఉరుములు నమోదయ్యే అవకాశం ఉండటంతో వాతావరణ శాఖ హెచ్చరికలు జారీ చేసింది.
తిరువనంతపురం:
తిరువనంతపురంలో ఒకటి లేదా రెండు దఫాలుగా వర్షం లేదా ఉరుములతో కూడిన జల్లులు పడే అవకాశం ఉంది. మెరుపులు, గంటకు 30–40 కిలోమీటర్ల వేగంతో ఈదురుగాలులతో కూడిన వర్షాలు నమోదయ్యే అవకాశం ఉంది.
మొత్తంగా దక్షిణాది నగరాల్లో వాతావరణం కొంత చల్లబడే అవకాశం ఉన్నప్పటికీ, ఉరుములు, మెరుపుల సమయంలో ప్రజలు బహిరంగ ప్రదేశాల్లో ఉండకుండా జాగ్రత్తలు తీసుకోవడం మంచిది. ముఖ్యంగా వాహనదారులు వర్షం సమయంలో రోడ్లపై అప్రమత్తంగా ప్రయాణించాల్సి ఉంటుంది.
మరిన్ని జాతీయ వార్తల కోసం ఇక్కడ క్లిక్ చేయండి..
