Gold Medal For India: ఆసియా గేమ్స్‌ 2026లో భారత ఆర్చరీ జోడీ చికితా తానిపర్తి, సాహిల్ జాదవ్ స్వర్ణ పతకం సాధించారు. కాంపౌండ్ మిక్స్‌డ్ టీమ్ ఈవెంట్‌ ఫైనల్లో దక్షిణ కొరియాను ఓడించి భారత్‌కు మరో ఆర్చరీ గోల్డ్ అందించారు.
చికితా తానిపర్తి, సాహిల్ జాదవ్ టోర్నీలో ఆరంభం నుంచి స్థిరమైన ప్రదర్శన కనబరిచారు. సెమీఫైనల్లో థాయ్‌లాండ్‌పై 156-155 తేడాతో విజయం సాధించి ఫైనల్‌కు చేరుకున్నారు. హోరాహోరీగా సాగిన ఈ పోరులో భారత జోడీ చివరి వరకు ఒత్తిడిని అధిగమించింది.
చికితా తానిపర్తికి ఈ విజయం ప్రత్యేకంగా నిలిచింది. ఇప్పటికే మహిళల కాంపౌండ్ టీమ్ ఈవెంట్‌లో జ్యోతి సురేఖ వెన్నం, పృథికా ప్రదీప్‌తో కలిసి ఆమె స్వర్ణ పతకం సాధించింది. ఫైనల్లో చైనాను ఓడించి భారత్‌కు గోల్డ్ అందించారు. మరోవైపు సాహిల్ జాదవ్ కూడా ఆసియా గేమ్స్‌లో భారత కాంపౌండ్ ఆర్చరీ జట్టులో కీలక సభ్యుడిగా ఉన్నారు. పురుషుల కాంపౌండ్ టీమ్ ఈవెంట్‌లోనూ అతడు భారత్‌కు ప్రాతినిధ్యం వహించాడు. కాంపౌండ్ ఆర్చరీలో భారత్ అద్భుత ప్రదర్శన కొనసాగుతుండగా.. చికితా, సాహిల్ సాధించిన ఈ స్వర్ణం భారత పతకాల ఖాతాలో మరో మెరుపును జోడించింది.
ప్రస్తుతం ఆసియా గేమ్స్‌ 2026లో భారత్ ఖాతాలో 8 బంగారు, 21 సిల్వర్, 27 బ్రోన్జ్ మెడల్స్ ఉన్నాయి.
THIS IS HUGE RESULT FOLKS!!!!
Sahil & Chikitha wins the Compound Team Gold & earns LA 2028 Quota for India
— The Khel India (@TheKhelIndia) September 30, 2026
