Presm Sagar Rao | మంచిర్యాల జిల్లా దండేపల్లి మండలం తాళ్లపేట గ్రామంలో ఉద్రిక్త పరిస్థితులు నెలకొన్నాయి. ఎమ్మెల్యే కొక్కిరాల ప్రేమ్‌సాగర్ రావు వర్గానికి చెందిన నేత ఆకుల దుర్గాప్రసాద్‌పై ప్రత్యర్థి వర్గానికి చెందిన వారు దాడికి పాల్పడ్డారు. ఈ ఘటనలో అతను తీవ్రంగా గాయపడ్డారు.
దాడిలో గాయపడిన దుర్గాప్రసాద్‌ను చికిత్స నిమిత్తం లక్సెట్టిపేట ప్రభుత్వ ఆసుపత్రికి తరలించారు. ఈ ఘటనతో తాళ్లపేటలో ఉద్రిక్త వాతావరణం ఏర్పడింది. పరిస్థితి మరింత ఉద్రిక్తంగా మారకుండా పోలీసులు గ్రామంలో భారీగా మోహరించారు. శాంతిభద్రతలను అదుపులోకి తెచ్చేందుకు చర్యలు చేపట్టారు. దాడికి గల కారణాలు, ఘటనకు దారితీసిన పరిస్థితులపై పూర్తి వివరాలు తెలియాల్సి ఉంది.
