Errupalem Namburu Railway Project: ఆంధ్రప్రదేశ్ రాజధాని అమరావతి ప్రాంతాన్ని వేగవంతంగా అభివృద్ధి చేసే క్రమంలో కూటమి ప్రభుత్వం మరియు కేంద్ర రైల్వే శాఖ మరో కీలక అడుగు ముందుకు వేశాయి. అమరావతి మీదుగా నిర్మిస్తున్న ఎర్రుపాలెం – నంబూరు రైల్వే లైన్ ప్రాజెక్టుకు సంబంధించి చివరిదైన నాలుగో ప్యాకేజీ నిర్మాణ పనులకు రైల్వే శాఖ అధికారికంగా టెండర్లు పిలిచింది. రాజధాని పరిధిలోని వడ్డమాను నుంచి నంబూరు వరకు 28.35 కిలోమీటర్ల మేర రైల్వే లైన్ నిర్మాణానికి రూ. 599.33 కోట్ల అంచనా వ్యయంతో దక్షిణ కోస్తా రైల్వే జోన్ బిడ్లను ఆహ్వానించింది.
Read Also:Chandrababu Naidu: రేపు 3 లక్షల ఇళ్లకు సీఎం చంద్రబాబు భూమిపూజ
Errupalem Namburu Railway Project: ప్యాకేజీల వివరాలు, రూట్ & తొమ్మిది రైల్వే స్టేషన్ల జాబితా
- మొత్తం ప్రాజెక్టు నిడివి: ఎర్రుపాలెం – అమరావతి – నంబూరు రైల్వే లైన్ ప్రాజెక్టు మొత్తం పొడవు 58.10 కిలోమీటర్లు. దీన్ని నాలుగు ప్యాకేజీలుగా విభజించి నిర్మాణం చేపడుతున్నారు.
- నాలుగు ప్యాకేజీల రూట్ మ్యాప్:
- 1వ ప్యాకేజీ: ఖమ్మం జిల్లా ఎర్రుపాలెం నుంచి పెద్దాపురం వరకు (తెలంగాణ పరిధిలో 3.5 కి.మీ).
- 2వ ప్యాకేజీ: ఎన్టీఆర్ జిల్లా పెద్దాపురం నుంచి కృష్ణా నది వంతెన వరకు.
- 3వ ప్యాకేజీ: కృష్ణా నదిపై 3.23 కిలోమీటర్ల భారీ వంతెనతో పాటు పల్నాడు జిల్లాలోని వడ్డమాను వరకు.
- 4వ ప్యాకేజీ: పల్నాడు జిల్లా వడ్డమాను నుంచి నంబూరు వరకు (28.35 కి.మీ).
- EPC విధానంలో నిర్మాణం: ఈపీసీ (EPC) పద్ధతిలో చేపట్టే ఈ ప్యాకేజీ-4 పనులకు నవంబర్ 23 వరకు బిడ్ల దాఖలుకు గడువు ఇచ్చారు. ఈ పనులను రెండున్నరేళ్ల సమయావధిలో పూర్తి చేయాల్సి ఉంటుంది.
- ఏర్పడనున్న 9 కొత్త రైల్వే స్టేషన్లు: ఈ మార్గంలో మొత్తం 9 చోట్ల కొత్త రైల్వే స్టేషన్లు రానున్నాయి. అవి: పెద్దాపురం, చెన్నారావుపాలెం, గొట్టుముక్కల, పరిటాల, కొత్తపేట, వడ్డమాను, అమరావతి, తాడికొండ, కొప్పరావురు.
Read Also hindi news: hindi.vaartha.com
Epaper: epaper.vaartha.com
Read Also:
