Ujjaini Mahankali Temple: సికింద్రాబాద్‌లోని ప్రముఖ పుణ్యక్షేత్రం శ్రీ ఉజ్జయిని మహంకాళి అమ్మవారిని మంత్రులు వివేక్ వెంకటస్వామి, పొన్నం ప్రభాకర్‌ శుక్రవారం దర్శించుకున్నారు. వారితో పాటు తెలంగాణ కాంగ్రెస్ పార్టీ ఇన్‌చార్జి, ఏఐసీసీ సభ్యుడు సచిన్‌ సావంత్‌, కంటోన్మెంట్‌ ఎమ్మెల్యే శ్రీగణేష్‌తో పాటు పలువురు కాంగ్రెస్ ముఖ్య నాయకులు అమ్మవారి దర్శనం చేసుకున్నారు.
Ujjaini Mahankali Temple: వేద పండితుల పూర్ణకుంభ స్వాగతం
ఆలయ ప్రాంగణానికి చేరుకున్న మంత్రులకు, కాంగ్రెస్ ప్రజాప్రతినిధులకు ఆలయ అధికారులు, వేద పండితులు పూర్ణకుంభంతో ఘనంగా స్వాగతం పలికారు. అనంతరం వారు ఆలయ గర్భగుడిలో అమ్మవారికి ప్రత్యేక పూజలు, అర్చనలు నిర్వహించారు.
అమ్మవారి దర్శనానంతరం ఆలయ మండపంలో వేద పండితులు మంత్రులకు, నాయకులకు వేదాశీర్వచనం అందజేశారు. ఆలయ అధికారులు వారికి అమ్మవారి శేషవస్త్రాలు, తీర్థప్రసాదాలను బహుకరించారు. ఈ కార్యక్రమంలో పలువురు కాంగ్రెస్ నాయకులు, స్థానిక ప్రముఖులు, పెద్ద సంఖ్యలో భక్తులు పాల్గొన్నారు.
Read Also hindi news: hindi.vaartha.com
Epaper: epaper.vaartha.com
Read Also:
