టాలీవుడ్ క్యూట్ కపుల్ విజయ్ దేవరకొండ, రష్మిక మందన్న వివాహ బంధంలోకి అడుగుపెట్టిన సంగతి తెలిసిందే. పెళ్లి తర్వాత ఈ రియల్ లైఫ్ జోడీ మొదటిసారిగా తెరపై జంటగా నటిస్తున్న భారీ చిత్రం ‘రణబాలి’. ఈ చిత్రంలో సింగనమల బొబ్బిలి రణబాలిగా విజయ్ దేవరకొండ అత్యంత పవర్‌ఫుల్ పాత్రలో నటిస్తున్నారు. అలాగే ఆయన భార్యగా ‘జయమ్మ’ అనే కీలక పాత్రలో రష్మిక కనిపించనున్నారు. ఈ సినిమాపై ఇప్పటికే ప్రేక్షకుల్లో భారీ అంచనాలు నెలకొన్నాయి.
ఇటీవల ఈ సినిమా నుంచి విడుదలైన ‘ఏందయ్యా సామీ..’ పాటకు సోషల్ మీడియాలో విపరీతమైన స్పందన వస్తోంది. ఆ పాటలో విజయ్, రష్మికల మధ్య ఆన్-స్క్రీన్ కెమిస్ట్రీ ప్రేక్షకులను ఎంతగానో కట్టుకట్టుకుంటోంది. ఈ నేపథ్యంలో రష్మిక తాజాగా ఇన్‌స్టాగ్రామ్‌లో ఆ పాటకు సంబంధించిన చిన్న క్లిప్‌ను షేర్ చేశారు. ఈ సందర్భంగా తన భర్త విజయ్‌పై ఉన్న ప్రేమను, మనసులోని భావాలను బయటపెట్టారు.
‘‘అతడు పూర్తిగా నాకే సొంతమయ్యాడు. కానీ తనపై నాకు ఉన్న క్రష్ మాత్రం ఏమాత్రం తగ్గడం లేదు. ఇదేం విచిత్రమో నాకే అర్థం కావడం లేదు’’ అంటూ రష్మిక క్యూట్ పోస్ట్ పెట్టారు. దీనికి విజయ్ దేవరకొండ వెంటనే తనదైన శైలిలో స్పందించారు. ‘‘నేను నిజంగానే ఎంతో అదృష్టవంతుడిని. సినిమా షూటింగ్ పూర్తయ్యాక జయమ్మ పాత్రను మాత్రం కచ్చితంగా మిస్ అవుతాను. కానీ నువ్వు మాత్రం నా జీవితాంతం నా దగ్గరే ఉంటావు’’ అంటూ రష్మిక పోస్ట్‌కు రిప్లై ఇచ్చారు. వీరిద్దరి మధ్య సోషల్ మీడియాలో సాగిన ఈ సంభాషణ నెటిజన్లను ఎంతగానో ఆకట్టుకుంటోంది.
ఇదిలా ఉంటే, రాహుల్‌ సాంకృత్యాన్‌ దర్శకత్వంలో ప్రతిష్టాత్మకంగా తెరకెక్కుతున్న ‘రణబాలి’ సినిమాపై టాలీవుడ్‌లో భారీ అంచనాలు ఉన్నాయి. పీరియాడిక్ యాక్షన్ డ్రామాగా వస్తున్న ఈ చిత్రం దసరా కానుకగా అక్టోబరు 16న ప్రపంచవ్యాప్తంగా ఘనంగా విడుదల కానుంది. పెళ్లి తర్వాత మొదటిసారికలసి నటిస్తున్న ఈ క్రేజీ మూవీ బాక్సాఫీస్ వద్ద ఎలాంటి సంచలనాలు సృష్టిస్తుందోనని అభిమానులు ఆసక్తిగా ఎదురుచూస్తున్నారు.
The post క్రష్ మాత్రం ఏమాత్రం తగ్గడం లేదు: రష్మిక appeared first on Adya News Telugu.
