Blue Drum Case : ఉత్తర్‌ప్రదేశ్‌లోని మేరఠ్‌ బ్లూ డ్రమ్ కేసులో జిల్లా కోర్టు కీలక తీర్పు వెలువరించింది. మర్చంట్‌ నేవీ అధికారి సౌరభ్‌ రాజ్‌పుత్‌ హత్య కేసులో అతడి భార్య ముస్కాన్‌, ఆమె ప్రియుడు సాహిల్‌ శుక్లాను దోషులుగా తేల్చింది. జిల్లా కోర్టు న్యాయమూర్తి అరవింద్‌ కుమార్‌ మిశ్రా వీడియో కాన్ఫరెన్స్‌ ద్వారా తీర్పు ప్రకటించారు. నిందితులకు విధించే శిక్షపై కోర్టు త్వరలో నిర్ణయం తీసుకోనుంది. సౌరభ్‌ రాజ్‌పుత్‌ కొంతకాలంగా కనిపించకుండా పోవడంతో అతడి కుటుంబ సభ్యులు పోలీసులను ఆశ్రయించారు. దర్యాప్తు చేపట్టిన పోలీసులు ముస్కాన్‌, సాహిల్‌ శుక్లాలను విచారించారు. కేసు దర్యాప్తులో సౌరభ్‌ మృతదేహాన్ని నీలిరంగు డ్రమ్‌లో దాచినట్లు పోలీసులు గుర్తించారు. ఈ ఘటన 2025 మార్చిలో దేశవ్యాప్తంగా తీవ్ర చర్చకు దారితీసింది.
Blue Drum Case : 22 మంది సాక్షులు.. కీలక ఆధారాలు
ఈ కేసులో ప్రాసిక్యూషన్‌ తరఫున మొత్తం 22 మంది సాక్షులను కోర్టులో ప్రవేశపెట్టారు. సాక్ష్యాలతో పాటు సాంకేతిక, భౌతిక ఆధారాలను కూడా సమర్పించారు. విచారణ సందర్భంగా ప్రతి తేదీన సాక్షులు కోర్టుకు హాజరయ్యేలా చర్యలు తీసుకోవడంతో కేసు తక్కువ సమయంలోనే తీర్పు దశకు చేరుకుందని ప్రభుత్వ న్యాయవాది తెలిపారు. ముస్కాన్‌, సాహిల్‌ శుక్లాలను దోషులుగా ప్రకటించిన కోర్టు.. శిక్ష ఖరారు చేయడానికి కొంత సమయం కేటాయించింది. ప్రభుత్వ న్యాయవాది దోషులకు కఠిన శిక్ష విధించాలని అభిప్రాయపడ్డారు. అయితే తుది శిక్షను కోర్టే నిర్ణయించనుంది.
Read Also hindi news: hindi.vaartha.com
Epaper: epaper.vaartha.com
Read Also:
